BWEBWENATO KO AN IJO JOKWE IE
Tōreektōr eo Ekāāl an Jikin Leto Letak Meļeļe Enaaj Rie Jarlepju ko im Jukjukinpād ko ilo New Zealand im Āne ko ilo Pacific
Ilo Juun in iiō in, Tania Torea, jān Porirua, New Zealand, ekar jino jerbal āinwōt Assistant Eria Tōreektōr n̄an jikin letok letak meļeļe eo an Kabun̄ eo an Jisōs Kraist im Armej ro Rekwojarjar ilo Raan Ko Āliktata ilo Eria Pacific in.
Liin eaar jerbal ippān Richard Hunter, Eria Tōreektōr n̄an Jikin Leto Letak Meļeļe, im balōntier ro an Kabun̄ in jān aolepān jekein jikid.
Jerbal eo an āinwōt juon baļōntier atōreektōr n̄an leto letak meļeļe n̄an diktata jimettan in North Island in New Zealand, im South Island, ium̧win jiljilimjuon iiō ko kar lo an kōm̧m̧an jem̧jerā ippān elōn̄ kajjojo armej ro ilo Catholic, Anglican, Muslim, Jewish im tōmak ko jet ilo jukjukinpād ko.
Liin eaar leļo̧k jipan̄ n̄an bwebwenato ko raorōk aolep jikin im jipan̄ RiNew Zealand ro bōk kajoor jān doon, kautiej doon, im kam̧ool men ko me raar kobaik kōj.
An jerbal in baļōntier ippān rijerbal in kien ro im kurup ko jet—eļaptata buroojāāk ko āinwōt kōkm̧anm̧an reba ko, ekkat wōjke ko, karreeoik meļaaj ko, kōkāāl im̧ōn jikuuļ ko, im jikin kakkoņ m̧ōn̄ā ko—eto an kobaik im kōketak ro rej bōk koņaer.
Juon kijejeto me ekam̧ōņōņōik būruwōn ej buttons buroojāāk, ippān membōr ro im ro m̧ōttad ilo jukjukinpād eo an RiJu ro ilo Wellington. Kōttōpar in eto kitien ekar emakijkij an aiintok ro rej bōk koņaer n̄an karreeo im kōrabōļbōli elōn̄ jān juon milien buttons āinwōt juon kein kalojooj n̄an kakeememej im kautiej elōn̄ļo̧k jān juon milien ajri ro rekar mej ilo Holocaust ilo Pata eo Laļ in Kein 2.
Jerbal eo an ekāāl enaaj ļapļo̧k ilo an naaj rie ritōl ro, membōr ro im mijinede ro jān Kabun̄ eo an Jisōs Kraist im Armej ro Rekwojarjar ilo Raan Ko Āliktata ilo aolepān New Zealand im ilo āne ko ilo South Pacific.
Jibadbad eo an Mrs Torea enaaj jipan̄ ritōl ro ijoko rej jokwe ie im an membōr kwaļo̧k apan̄ ko reļļap rej iooni ilo Kabun̄ im ko ipeļaakid, im pukot ialen leto letak meļeļe pedped ioon aer kappukot n̄an kōkm̧anm̧anļo̧k mour ko ad kajjojo im kōjeraam̧m̧an baam̧le ko im jukjukinpād ko.
Enan̄in aolepān menin enaaj kitbuuj jem̧jerā ippān kien ko, kabun̄ ko jet im kurup ko an jukjukinpād n̄an bōk kōttōpar eo em̧m̧an n̄an aolep.
Mrs Torea ej ba ej reim̧aanļo̧k n̄an idajon̄jon̄ in im kōjatdikdik ko n̄an bōk jipan̄ an lan̄ n̄an meļeļe aikuj ko, kōm̧m̧an jem̧jerā ijo ej etal ie ļo̧k, im jerbal epaake n̄an kōm̧m̧an juon oktak eo em̧m̧an ilo mour ko an armej ro.
Jibadbad eo ilo jerbal in, liin eaar ba, naaj n̄an “ron̄jake n̄an meļeļe, im n̄an kappukot ainikien Irooj n̄an tōl kōj ilo jerbal in ad.”
Paul Morris, Rūkaki eo Etijem̧ļo̧k ikkijeen Ekkatak kōn Kabun̄ ilo Victoria University ilo Wellington, ekar ba, “Tania ekar juon eo eļap tokjeņ ilo jerbal in im eitok limoin ilo jemdo̧o̧n ko an kabun̄ in ilo capital eo elōn̄ iiō ko.” “Ijeļā bwe liin enaaj bōktok en̄jake ak imminene in, an kapeel im wūjlepļo̧k n̄an jerbal in an ekāāl.”
Vicki Wihongi, jān Hamilton, eaar ba, “Tania ewōr juon an kapeel eļap n̄an jerbal ippānļo̧k tiim eo ilo juon wāween me rej jim̧or kalōk im im̧we er.”
“Kapeeļ eo an Tania im iakwe n̄an jerbal in leto letak meļeļe ilo Wellington ekar kōm̧m̧an juon oktak n̄an Kabun̄ in im ro ej jerbal ippāer,” Peter Thomson eaar ba, būreejtōņ eo an Kabun̄ in ilo Wellington New Zealand Stake.
“Kōmij m̧ōņōņō in lo im̧we eo an n̄an jipan̄ kajedeed ilo aolepān New Zealand im Pacific in.”