BWEBWENATO KO AN IJO JOKWE IE
Oktak ko kōn Jon̄ak in Nuknuk ko kar Kōjjeļāiki n̄an Ļaddik Mijinede ro
Ilo Juun in iiō in, Kabun̄ eo an Jisōs Kraist im Armej ro Rekwojarjar ilo Raan Ko Āliktata ekar kōjjeļāiki oktak ko kōn jon̄ak in nuknuk ko n̄an ļaddik mijinede ro rej jerbal.
Oktak kein, ko kar kōmālim jān Būreejtōnji eo Kein Kajuon im Doulul eo an Jon̄oulruo Rijilōk ro, naaj leļo̧k n̄an Eria Būreejtōnji ro n̄an kōm̧m̧an oktak ilo nuknuk an mijinede ilo jikin ko rekkar n̄an kōkm̧anm̧anļo̧k im erreeo eo an mijinede ro, jokne, ekkar, em̧m̧an ilo m̧anit em̧m̧an ilo wāween pinej jenkwan Irooj im Kabun̄ in An.
“Nuknuk in mijinede ej aolep iien oktak ekkar n̄an ijo jokwe ie, jon̄ak im m̧anit,” Elder Dieter F. Uchtdorf eaar ba, juon membōr in Doulul eo an Jon̄oulruo Rijilōk ro im ej jeban ra eo an Missionary Executive Council. “Oktak kein rej wōnm̧aanļo̧k wōt. Ilo aolep bōklekōt ko am̧, kōmij likūt wōt ilo kōļmenļo̧kjeņ eo am̧ kōn kūr eo an mijinede n̄an pinej jenkwan Jisōs Kraist, ājmour im jokne eo aer, im m̧anit eo ekkar ilo jikin eo rej jerbal ie.”
Ium̧win tōl ko rekāāl, jon̄ak in nuknuk an mijinede em̧ōj bar ukōte, ekoba jōōt mour im tae, ilo jet eria, im juut. Kakobaba, n̄an katakin ilo ijo kar kōmālimi, likao ro (jeļā kake er āinwōt elder ro) remaron̄ kōņak juon mouj ak buļū jōōt ak ejjab tae. Oktak kein naaj kōmālim jen Eria Būreejtōnji ro, im mijinede ro reaikuj karon̄ļo̧k mijen būreejtōn eo aer eļan̄n̄e oktak kein ejelet eria eo rej katakin ie.
Aolep elder ro renaaj wōnm̧aanļo̧k wōt im kōņak juon jōōt mouj im tae, ilo jet jikin ko, ekōņak juut n̄e etal n̄an tampļe, kabun̄jar ilo Jabōt, kweilo̧k ko an Zone ak ritōl, missionary training centre ko, iien peptaij ko im kweilo̧k ko jet an Kabun̄ in.
Elder Uchtdorf eaar ba, “Nuknuk in mijinede naaj aolep iien karbab, kautiej im ekkar ilo an mijinede ro kakūrm̧ool jibadbad eo aer n̄an katakin armej ro kōn gospel eo an Jisōs Kraist.”
Kōjjeļā in ilaļ kōn jon̄ak in nuknuk ko kar oktak ilo Tijem̧ba 2018 n̄an jiron̄ ro rej jerbal āinwōt mijinede ro.