U Njoftuan Gjashtë Tempuj të Rinj

Gjashtë tempuj të rinj u njoftuan nga Presidenti Rasëll M. Nelson gjatë sesionit të pasdites të së dielës të konferencës së përgjithshme. Tempujt u njoftuan për [këto vendndodhje]:

Taraua, Kiribati. Kiribati është një vend i përbërë nga 32 grupime ishujsh koralorë në Oqeanin Paqësor pranë vijës ndërkombëtare të ndërrimit të datës.
Port‑Vila, Vanuatu. Vanuatu është një vend i përbërë nga rreth 80 ishuj në Paqësorin Jugor.
Lindon, Jutë, SHBA. Lindoni ndodhet rreth 40 milje (64 kilometra) në jug të Solt‑Lejk‑Sitit.
Guatemala‑Siti me Rrethinat, Guatemalë. Guatemala, në Amerikën Qendrore, së shpejti do të jetë vendi ku ndodhen katër tempuj.
San‑Paolo, Lindje, Brazil. Ky do të jetë tempulli i 12‑të i njoftuar për Brazilin.
Santa‑Kruz, Bolivi. Ky do të jetë tempulli i dytë në këtë vend të Amerikës Jugore.

Që kur u bë President i Kishës në vitin 2018, Presidenti Nelson ka njoftuar ndërtimin e 49 tempujve të rinj. Kisha tani ka 230 tempuj të njoftuar, në ndërtim e sipër ose në funksionim.