“Faia e Lē Aunoa le Amiomama,” Liahona, Oke. 2023.
“Faia e Lē Aunoa le Amiomama”
I a tatou taumafaiga ia avea faapei o Iesu Keriso, o manatu autu nei e ono e manatua a o tatou atiina a’e uiga faa-Keriso.
Ua Faaloaloa Atu Pea Lona Aao, saunia e Yongsung Kim, faaaloaloga a le Havenlight
O le lauga aupito maoae ma sili ona musuia na tuuina mai e le Faaola o Lona soifuaga e leai se agasala—o le lauga o le olaga atoa. Faatasi ai ma lenei valaaulia musuia: “O a ituaiga o alii [ma tamaitai] e tatau ona outou i ai? E moni, ou te fai atu ia te outou, e pei lava o a’u nei” (3 Nifae 27:27).
“E Ao Ina Outou Faia e Lē Aunoa le Amiomama” (Mataupu Faavae ma Feagaiga 46:33)
O le Amiomama o le “amiosa’o ma le lelei atoatoa.”1 Ina ia faia le amiomama e lē aunoa e manaomia ai se taumafaiga tumau ma se lisi musuia o mea e fai. O veape ia avea ma le faia o se paga faaleaoaoga faavae. O leavea e aunoa ma le faia—e pei o le faatuatua e aunoa ma galuega po o le alofa mamā e aunoa ma le auauna atu—“ua mate, ua tuuatoatasi” (Iakopo 2:17). E faapena foi, o le faia e aunoa ma le avea e faamatalaina ai i latou o e “vivii mai ia te a’u i o latou laugutu, a o latou loto ua taumamao ia te a’u” (Mareko 7:6). E tausalaina e le Faaola le faia e aunoa ma le avea o le pepelo lea (tagai Mataio 23:23; Mareko 7:6).
E masani ona i ai i tagata ni lisi o mea e fai ma tuu atu ia i latou lava se faailoga faasa’o pe a mae’a se galuega i luga o le lisi. Ae e lē mafai ona e mauaina ni faailoga faasa’o i le avea. Mo se faataitaiga, o afea e mafai ona e [tuu ai se] faailoga faasa’oi le tulaga faamatua mai lau lisi o mea ua mae’a? E lē mafai ona uma le avea ma se tinā po o se tamā, o se taumafaiga i le olaga atoa.
Tatou te faatino taitasi uiga mamā o le (avea) e ala i se lisi musuia o faatinoga e faatatau i ai. Afai ou te fia alofa atili, o a ni faatinoga faaleauaunaga e mafai ona ou faia i le asō e fesoasoani ai ia ou alofa atili? Afai ou te fia onosai atili, o le a se mea e mafai ona ou faia i le asō e faaleleia ai?
Pe a tatou i ai i se fetaula’iga o amioga mamā i le olaga, e masani ona tatou fesili ifo ia i tatou lava, O le a se mea o le a faia e Iesu? Pe a tatou faia mea o le a Ia faia, ua tatou faataitaia le amiomama ma avea faapei o Ia. Afai tatou te o “e agalelei” (Galuega 10:38), e pei ona sa Ia faia, faatasi ai ma galuega lelei faaopoopo taitasi, tatou te tuputupu ae i le alofa ma le agaalofa, ma o le a avea o se vaega o lo tatou natura.
O Le Aafiaga o Le Lagomumū
O le ofoofogia o le lagomumū e na o le po e vaaia ai. O lenei mea ofoofogia itiiti o le natura e lē vaaia i le ao. E manaomia ai se tulaga pogisa mo le susulu o le lagomumū ia iloa ai. O le eseesega lea e faaalia ai lona malamalama.
O le lagomumū ma fetu o ni faataitaiga i le natura o le ala e manaomia ai le pogisa e faaali mai ai le malamalama lea semanu e natia i se vaaiga manino. Ona o loo i ai pea le Malamalama o Keriso, e toatele tagata o le Ekalesia e lē iloaina faaaliga i aso taitasi e musuia ai i latou e faia le amiomama.
O se molimau i uiga faa-Keriso e maua i se vaega tele e ala i le faatusatusa o le faafeagai, po o le “tofo i le oona, ina ia latou iloa ai ona faataua le lelei” (Mose 6:55). Ana faapea e lē pauu Atamu ma Eva, semanu la te “aunoa ma se olioli, ona sa la lē iloa se pagatia” (2 Nifae 2:23). Na aoao mai Peresitene Polika Iaga, “O mea moni uma lava e faamaonia ma faaalia e ala i lo latou faafeagai.”2
E aoao tamaiti e ala i le eseesega o faafeagai: ioe/leai, luga/lalo, luga a’e/lalo ifo, telē/laitiiti, vevela/malulu, saoasaoa/lemū, ma isi mea faapena. O le eseesega lea e tuuina mai ai se malamalamaaga manino atu. E faapena foi, o le malamalama i se uiga mamā e manaomia ai se suesuega o lona faafeagai.
Mo se faataitaiga, tatou te mananao e avea uma lava ina ia soifua maloloina, ae o le lotofaafetai mo le soifua maloloina ma le manao e faatumauina e masani ona oo mai pe a uma ona mafatia se tasi i le faafeagai o le soifua maloloina: ma’i, faama’i, manu’aga. E oo foi lava i le Faaola “o mea sa tiga ai o ia na aoaoina ai o ia ia usiusitai” (Eperu 5:8).
O nisi taimi o se amiomamā e sili ona faamatalaina i tulaga o lona faafeagai, e pei o le “aunoa ma le pepelo” ma e “aunoa ma le faa’ole’ole” (Mataupu Faavae ma Feagaiga 121:42), “e le faaitaitagofie” (Moronae 7:45), ma isi mea faapena.
O le faataitaia o le mamā e lē gata o se taumafaiga i le olaga atoa i le atiina a’e o uiga faa-Keriso. O se taumafaiga foi i le “faafitia [o le tagata lava ia] o le amioletonu ma tuinanau faalelalolagi” (Tito 2:12; tagai foi i le Faaliliuga a Iosefa Samita, Mataio 16:26 [i le Mataio 16:24, vaefaamatalaga e]; Moronae 10:32). A o tatou taumafai e atiina a’e se amiomamā faa-Keriso, e tuputupu a’e a o tatou aveesea lona faafeagai: tatou te “tuu ese le tagata natura” a o tatou “avea [ma] tagata paia e ala i le togiola a Keriso” (Mosaea 3:19).
O le faaaogaina o le aafiaga o le lagomumū i se faataitaiga o uiga faaleatua e faaalia ai le upumoni, mana, ma le molimau a tagata taitoatasi:
-
Alofa e faasaga i le inoino, faaleaga, lē faauō
-
Faamaoni e faasaga i le lē faamaoni, taufaasesē, pepelo
-
Faamagalo atu e faasaga i le tauimasui, ita, oona
-
Agalelei e faasaga i le lē lelei, ita, agaleaga
-
Onosai e faasaga i le ita gofie, ita inainā, lē onosai
-
Agamalu e faasaga i le faasauā, lotovii, manatu faatauvaa
-
O le faatupu filemu e faasaga i le fefinauai, fevaevaeai, faaoso
O le eseesega e fesoasoani tatou te iloa ai le malosi o a tatou molimau i uiga mamā taitasi ma le tele o aafiaga faaleagaga ua tatou maua i aso taitasi ma o tatou loto fuatiaifo. O le eseesega e faaalia ai le Malamalama o Keriso i la tatou vaaiga manino.
I le Faamaualuga Atu, E Avea Amioatua Uma ma Vaivaiga
I se faaopoopoga, o manaoga ua leaga ma e manaomia ona “faaaoga, ma le faautauta, ae ia lē soonafai, pe i le faamalosi” (Mataupu Faavae ma Feagaiga 59:20). O tuinanauga e mafai ona avea ma mea malolosi; o lea ia, “pulea ou tuinanau uma” (Alema 38:12). O manaoga e mafai ona avea ma uiga ma mea faatiga, o lea ia “faautauta i mea uma” (1 Korinito 9:25; Alema 7:23; 38:10; Mataupu Faavae ma Feagaiga 12:8).
Ina ia faapupula atili, o nisi nei o uiga mamā ua soona fai:
-
O le lototoa soonafai o le a avea ma faafiamalosi (tagai i le Alema 38:12).
-
O le maelega e oo ina avea ma lelavā po o le momo’e televave atu nai lo le malosi ua ia te oe (tagai Mosaea 4:27).
-
O le faamaoni soonafai e avea ma mea faavalevalea ma le le faautauta. E faatagaina lenei mea i tamaiti ae le o tagata matutua e le o i ai ni uiga mamā o le magafagafa, agalelei, ma le agaalofa.
-
O lefai fuafua soonafai e avea ma faamaualuga limamau, limauu.
-
O le faapalepale soonafai e avea ma tuutalaloa, faatalalē, tuufau.
-
O le alofa soonafai e avea ma faapepepepe, taotaomia, pipili, faafaigofie.
E manaomia e amiomamā uma se amiomamā po o ni amiomama lagolagosua, se siaki ma se paleni faalelagi, e taofia ai mai le avea ma soonafai. E pei lava o fua o le faamasinotonu ua faatusa i le manaomia o le paleni i le va o le faamasinotonu ma le alofa mutimutivale, e manaomia foi e amioga mamā uma se paleni atamai i o latou amioga mamā tutusa.
Na faasoa mai e Peresitene Ezra Taft Benson (1899–1994) lenei malamalamaaga e uiga i le Faaola: “I lona soifuaga, o amioga mama uma sa soifua ma tausia i le paleni atoatoa.”3
Pe a lagona e tagata ua lē paleni o latou olaga pe o loo latou amio i se auala soonafai pe ogaoga, o le a atamai le mafaufau po o a uiga mamā o loo misi ma manaomia ina ia toefuatai ai le paleni i o latou olaga. A leai, e mafai ona faaleagaina se amiomamā ma o se malosiaga “e mafai ona avea ma o tatou toilalo,” e pei ona aoao mai ai Peresitene Dallin H. Oaks, Fesoasoani Muamua i le Au Peresitene Sili.4
O Se Uiga Mamā e aunoa ma Uiga Mamā Lagolago o se Afa Upumoni
O se afa upumoni e taufaasesē auā e na o se vaega e moni pe atonu e moni atoatoa ae ua na o se vaega o le moni atoa. O nisi o faataitaiga o afa upumoni faatasi ma uiga mamā:
-
O le faitalia e aunoa ma se tiutetauave o le mea lea na aoao mai e Korioa: “e manumalo tagata taitoatasi e tusa ma lona lava malosi; ma o soo se mea sa fai e le tagata e le o se solitulafono” (Alema 30:17).
-
O le faatuatua e aunoa ma galuega ma le alofa mutimutivale e aunoa ma le faamasinotonu o ni faataitaiga ia o mea na aoao mai e Neoa: “o le a faaolaina tagata uma … ; ona na foafoa e le Alii tagata uma, ma ua togiola foi e ia tagata uma; ma, i le iuga, o le a maua e tagata uma le ola e faavavau” (Alema 1:4).
-
O le faamasinoga tonue aunoa ma le alofa mutimutivale o loo faaalia ma le ootia i le galuega taulima sili a Victor Hugo o le Les Misérables, i le uiga o Javert. O le faamasinotonu o se uiga mama pe a faatoamalie e le alofa mutimutivale; a leai, o le a avea o se amioletonu, o lona faafeagai lea.
-
O le alofa ma le agaalofa e aunoa ma le ola tutoatasi o loo vaaia i le olaga o Helen Keller.5 O ona mātua sa itiiti pe leai foi ni faamoemoega o lo la afafine tauaso ma tutuli. O Anne Sullivan, o se faiaoga mo e tauaso ma tutuli, o lē na faailoa maia le uiga mama lagolagosua o le ola tutoatasi ma sa fesoasoani ia Helen e tulai a’e i lona tulaga gafatia moni.
-
O le faapalepale e aunoa ma le upumoni ma le alofa e aunoa ma le tulafono tuuitiitia le aoga, fetuuna’ia, ma faaleaga ai tulaga faatonuina a le Alii ma iu ai i le liliuese e ala i le taufaasesē o le tagata lava ia (tagai i le 4 Nifae 1:27).
-
I se isi itu, o le tulafono e aunoa ma le alofa ma le upumoni e aunoa ma le faapalepale na faaalia e le au Faresaio ma iu ai i le liliuese e ala i le faamaualuga.
-
O le avea ma [tagata] amiotonu e aunoa ma le faaaofia ai (tagai i le Luka 15:1–7) e mafai ona taitai atu ai i le faafia-amiotonu, faailoga tagata, ma le pepelo.
-
O lefaatuatua ma le faamoemoe e aunoa ma le onosai (o le Alii e “faamanuia vave mai ia te outou” [Mosaea 2:24], ae “e tofotofoina e ia lo latou onosai” [Mosaea 23:21]) e mafai ona taitai atu ai i le masalosalo o le tagata lava ia ma le leai o se faatuatua.
O amioga mamā uma o se afa upumoni se’iilogae faapaleniina e lona amioga mama lagolago lea e manaomia mo le paleni faaleaoaoga faavae.
O Le Mana ma le Taua o le Ma le
I le avea ai ma “tamā o finauga” (3 Nifae 11:29), e faaoso ma le poto taufaavalea e Satani le ita e ala i le fetosoa’i o amioga mamā e faasaga i le tasi ma le isi i se manatu e “faasagatau” faalemafaufau, e pei o le faamasinotonu e faasaga i le alofa mutimutivale. Ae o le Alii “ua fautua mai … i le faamasinotonu, ma le alofa mutimutivale tele” (Iakopo 4:10; faaopoopo le faamamafa). O nei amioga mamā e lua e lē faafeagai ae e felagolagoma’i. Ina ia ausia se paleni atoatoa, e sili atu le sa’o faaleaoaoga faavae ma atamai atu le faapea:
-
O le faamasinotonu ma le alofa mutimutivale (e ese mai le faamasinotonu faasaga i le faamasinoletonu)
-
Faitalia ma le tiutetauave
-
Faatuatua ma galuega
-
Faalelotu/tausi feagaiga (fafo) ma le faaleagaga/avea ma soo (totonu)
-
Laugatasia ma le fetuutuuna’i
-
Lotogatasi ma eseesega
-
Tusi o le tulafono ma le agaga o le tulafono
-
Migao/mamalu ma le olioli/fegalegaleaiga
-
Lototoa ma le agamalu
-
Toa ma le faautautaga
-
Aoaiga ma le alofa agalelei
-
Tutusa mo tagata uma ma le lē maluelue
-
Agamalu ma le mausalī
-
“Ia faapea ona pupula atu lo outou malamalama i luma o tagata” (Mataio 5:16) ma le lē “saili [a] viiga a tagata” (Mataupu Faavae ma Feagaiga 121:35)
-
Ma isi mea faapena
Alofa Mamā—o le Amioga Mamā Aoao
I le fatu o poloaiga sili e lua—ia alofa i le Atua ma ia alofa atu i o tatou tuaoi—o le amioga mama o le alofa mamā. “O nā poloaiga e lua,” na fetalai Iesu, “ua autu ai le tulafono uma ma le au perofeta” (Mataio 22:36–40). O Elder James E. Talmage (1862–1933) o le Korama a Aposetolo e Toasefululua na ia ta’ua le alofa mamā o le “poloaiga muamua ma le sili ma o se tulafono ua afifi uma ai [tulafono]” ma sa ia taua ua silisili “e faavae o le upumoni faigofie ma faamatematika e sili atu le mea atoa nai lo soo se vaega.”6
“Ma afai foi ua toe se isi poloaiga, o loo ua aofia lava i lenei upu, Ia e alofa atu i lē lua te tuaoi, ia pei o oe lava ia te oe. E le agaleaga atu le alofa i le la te tuaoi: o lenei, o le alofa o le atoatoa lea o le tulafono” (Roma 13:9–10). O le alofa o le amioga mamā lea e ave atu ai le tagata mai le tulafono a Mose i le tulafono o le talalelei.
Ona o le natura afifi atoa o le alofa mamā, o lea e ono faapea ai o isi uiga mamā uma o vaega o ona uiga mamā, aua e “loa ona tali-tiga,” e “agalelei,” e “le losilosivale,” ma e “le faafefeteina” (tagai i le 1 Korinito 13:4–8; Moronae 7:45).
A tuuina atu e se tinā se sipuni i lana tama laitiiti, o se suesuega loloto lea o le alofa mamā. E faaalia e le tinā le faatuatuaina, alofa, faamoemoe, faapalepale (mo mea e masaasaa solo), onosai, toafimalie, faatauanau, ma isi mea faapena.
Mafaufau i le faataitaiga lenei: A tuuina atu e se tinā se sipuni i lana tama laitiiti, o se mataupu loloto e suesue ai le alofa mamā, po o le alofa faa-Keriso. Mafaufau i le tele o amioga mamā i lenei ata faataitai: faatuatuaina, alofa, faamoemoe, faalagolago o le tagata ia te ia lava, faapalepale (mo mea e masaasaa solo ma le tetee), agamalu, agalelei, onosai, toafimalie, mausali, faatauanau, ma isi mea faapena. O le tinā “e le faaitagofie, … e ufiufi i mea uma, e talitonu i mea uma, e faamoemoe i mea uma, e onosai i mea uma. E le uma [Lona] alofa” (1 Korinito 13:4–5, 7–8).
E maeu lo tatou lotofaafetai mo se Tama oi le Lagi agaalofa o lona alofa mamā e onosai ma tali-tiga i mea e masaasaa solo tatou te faia i o tatou olaga!
Pe le o se mea ea e ofo ai la, le pogai ua faailoa mai ai e tusitusiga paia le alofa mamā “o le mea ua silisili” (1 Korinito 13:13; Moronae 7:46), o “se ala e silisili ona lelei” (1 Korinito 12:31), ma “silisili i mea uma”? (1 Peteru 4:8). O le mea moni, o le valaaulia e “tatalo atu i le Tamā ma le malosi atoa o le loto, ina ia faatumulia outou i lenei alofa” (Moronae 7:48) o se valaaulia e tatalo mo amiomama uma ma taumafai mo se paleni atoatoa i totonu o i latou. A aunoa ma le paleni, e oo lava i le alofa mamā e mafai ona avea ma se mea soonafai, e pei o mātua agaalofa ae tuufau ma tuu e faamalie a Helen Keller.
O Amioga Mamā O Meaalofa a le Agaga.
I le Tala’i La’u Talalelei mataupu 6, “E Faapefea Ona Ou Atiina Ae Uiga FaaKeriso?” ua aoaoina ai faifeautalai e faapea “O uiga faaKeriso o meaalofa ia mai le Atua. E oo mai a o e faaaogaina ma le amiotonu lau faitalia. Ia ole atu i lou Tama Faalelagi ina ia faamanuia oe i nei uiga; e lē mafai ona e atiina ae e aunoa ma Lana fesoasoani.”7
Ina ia faatino ma le manuia le amiomamā e manaomia ai le faapaleniina o le faatuatua ia Iesu Keriso ma le tatalo ma “faia ai ma le fiafia mea uma ua i ai i lo tatou mana” (Mataupu Faavae ma Feagaiga 123:17).
Na aoao mai i tatou e Moronae o lo tatou faamoemoe ia avea e faapei o Iesu Keriso e totonugalemu ia te Ia: “O mai ia Keriso, ma faaatoatoaina ia te ia, ma faafiti outou lava mai mea uma e le faaleatua; ma afai tou te … alolofa i le Atua ma o outou manatu atoa, mafaufau ma le malosi atoa, ona lava lea o lona alofa tunoa mo outou, ma o lona alofa tunoa e mafai ai ona outou atoatoa ia Keriso” (Moronae10:32).
Tau ina ia avea le lauga a le Alii i le olaga atoa ma tatalo ma sailiga mo i tatou. A o tatou “faia e lē aunoale amiomama” (Mataupu Faavae ma Feagaiga 46:33; faaopoopo le faamamafa), “o le amiomamā [o le a] teuteuina ai [o tatou] mafaufauga e lē aunoa; ona solo malosi ai lea o lou lototele i luma o le Atua; ma o le a to ifo i luga o lou agaga le mataupu faavae o le perisitua e pei o le sau mai le lagi” (Mataupu Faavae ma Feagaiga 121:45; faaopoopo le faamamafa).