2023
I Luga o se Faavae Mausali
Oketopa 2023

“I Luga o se Faavae Mausali,” Liahona, Oke. 2023.

Mo Mātua

I Luga o se Faavae Mausali

Ata
ao avea ma Elder Russell M. Nelson ma isi taitai o le Ekalesia i le konafesi i Madagascar

A o avea maO Elder Russell M. Nelson ma isi taitai o le Ekalesia i se konafesi faaleautaitai perisitua i Madagascar, 2011.

Mātua Pēlē,

I la tatou suesuega o le Feagaiga Fou i lenei masina, ua tatou faitau ai i le Ekalesia i le ala ua “atiina ae i luga o le faavae o le au aposetolo, atoa ma le au perofeta, o le maa tulimanu o Iesu Keriso lava lea” (Efeso 2:20). Ua molimau Peresitene Dallin H. Oaks i lena “faagasologa paia, lea e taitai ai e le Alii Lana Ekalesia i aso nei” (itulau 7).

Talanoaga o le Talalelei

Perofeta Soifua

Ia talanoaina faatasi o se aiga mea sa outou aoaoina mai le konafesi aoao i lenei masina. Faasoa atu upusii mai le tusiga a Peresitene Dallin H. Oaks e uiga i perofeta o aso nei ma ki o le perisitua (itulau 4). O a faamanuiaga ua e maua e ala i le mulimuli i fautuaga a perofeta ma aposetolo i aso nei?

Faatuatua e Vaai ai i Vavega

Valaaulia se tagata o le aiga e faitau leotele le Mataio 9:20–22, lea o loo faamatala mai ai le faamalologa e Keriso o le fafine “ma le puna toto.” E mafai faapefea ona tatou atiina a’e le faatuatua e vaai ai i vavega? Aisea na faia ai e Keriso vavega? (tagai i le itulau 43).

Auala e Avea Ai Faapei o Keriso

Ua aoao mai Elder Lynn G. Robbins i le ala e mafai ai ona tatou mulimuli i le valaaulia a le Faaola ia faapei o Ia e ala i le faaaogaina o uiga faa-Keriso i o tatou olaga (tagai itulau e 10). E mafai ona e faasoa atu nisi o ana faataitaiga, e pei o lagomumū po o se tinā o loo fafagaina se tamaitiiti laitiiti, e fesoasoani i lau fanau ia iloa le ala e atiina a’e ai uiga faa-Keriso i a latou fegalegaleaiga i aso uma.

Mea Mālie Faaleaiga i leSau, Mulimuli Mai ia te A’u

Tumau i le Faatuatua

2 Timoteo 4

I le taufaaiuga o lona ola, sa faapea atu ai le Aposetolo o Paulo ia Timoteo, “Ua ou tau le taua lelei, ua iu ia te au le tausinioga, ua ou taofi i le upu o le faatuatua” (2 Timoteo 4:7). Faataitai le gaoioiga lenei e aoao ai e uiga i le “taofimau i le faatuatua”:

A o Lumanai le Afiafi Faaleaiga

  1. Faatalanoa nisi o tagata matutua o e sa faamaoni i le talalelei. O i latou nei o ni mātua matutua po o tagata o lau uarota po o le paranesi.

  2. Fai atu ia i latou ni fesili e te fiafia i ai po o fesili e pei o nei: O a tofotofoga na e oo i ai ma faatoilaloina? Pe na i ai sou aafiaga ina ua manaomia le lototele e ola ai i le talalelei? O le a le mea na sili ona fesoasoani i le tumau faamaoni ai i lou talitonuga ia Iesu Keriso?

  3. Tusi i lalo pe tusifaamaumau a latou molimau ma aafiaga.

I le Taimi o Afiafi Faaleaiga

  1. Faasoa atu i lou aiga ia molimau na e faalogo i ai ma lesona na e aoaoina.

  2. O le a se mea na aoao atu e nei tagata ia te oe e uiga i le faatoilaloina o faigata e ala i le faatuatua?

Talanoaga: E mafai faapefea ona e faatumauina le faatuatua i lou olaga atoa, e ui lava i luitau?

Lolomi