Sau, Mulimuli Mai ia te A’u

Kalatia 5

E Faapefea Ona Fesoasoani le Agaga Ia i Tatou?

Laau fua suamalie

Atapue mai le Getty Images

I le Kalatia 5, o loo aoao mai ai e le Aposetolo o Paulo le ala e fetalai mai ai le Agaga ia i tatou. Maitau le eseesega i le va “o le fua o le Agaga” ma “galuega a le tino.”

Fua o le Agaga (tagai Kalatia 5:22–23)	Galuega a le Tino (tagai Kalatia 5:19–21)
Alofa	Mulilua, faitaaga, leai se faamoemoe
Olioli	Inoino
Filemu	Fesuisuiai
Tali-tiga	Eseesega (finauga)
Agamalu	Ita
Amiolelei	Lotoleaga
Faatuatua	Aoaoga Sesē
Agamalu	Faalavelave
Faautauta	Lē Mamā

“Savavali i la le Agaga, ona le faia lea e outou o le tuinanau o le tino.”

Kalatia 5:16

Pe o le Agaga po o O’u Lava Manatu?

“O mea uma ua lelei e mai ia Keriso [tagai Moronae 7:12–13, 16]. Afai la e i ai sou manatu e fai se mea lelei, ua uunaia e le Agaga Paia.”

Elder David A. Bednar o le Korama a Aposetolo e Toasefululua (Talanoaga Faafesagai ma Elder ma Sister Bednar [faasalalauga a le autalavou i le lalolagi atoa, 12 Me, 2015], facetoface.ChurchofJesusChrist.org).

Talanoaga

O nisi taimi tatou te faia le mea sili tatou te mafaia e mulimuli ai i poloaiga ae tatou te lē o mautinoa pe o tatou lagonaina le Agaga. Tagai i le saunoaga a Elder Bednar ma fua o le Agaga o loo lisi atu i luga. E mafai faapefea e nei malamalamaaga ona fesoasoani ia te oe e iloa ai atonu e sili atu ona uunaia oe e le Agaga i le tele o taimi nai lo le mea e te iloaina?