Sau, Mulimuli Mai ia te A’u

Filipi 2

E Mafai Ona Tatou Maua Lo Tatou Faaolataga?

Savavali faatasi ma Keriso, saunia e Trent Gudmundsen

Na ta’u atu e le Aposetolo o Paulo i le Au Paia i Filipi, “Ia outou galulue aiai ma le mata’u atoa ma le gatete ina ia faaolaina outou” (Filipi 2:12). Na fesili mai Peresitene Dallin H. Oaks, Fesoasoani Muamua i le Au Peresitene Sili, “Faamata o le uiga o lena [fuaiupu] e faapea, o le aofaiga atoa o lo tatou lava amiotonu o le a tatou maua ai le faaolataga ma le faaeaga?” Sa ia faamalamalama mai, “Ae i le maea ai o le tatou usiusitai ma galuega lelei, e le mafai ona faaolaina i tatou mai le aafiaga o tatou agasala e aunoa ma le alofa tunoa faalauteleina e ala i le togiola a Iesu Keriso” (“What Think Ye of Christ?,” Ensign, Nov. 1988, 67).

Ua aoao mai tusitusiga paia ma perofeta e tatau ona tatou faalagolago i le alofa tunoa o Iesu Keriso ma osia ma tausia feagaiga ma le Tama Faalelagi ina ia mafai ai ona maua le ola e faavavau. Mafaufau i aoaoga faaperofeta nei a o e suesueina le Filipi 2:12–13:

“E le mafai e i tatou lava ona tatou maua lo tatou ala i le lagi. …

“Ae e le o leiloa mea uma.

“O le alofatunoa o le Atua o lo tatou faamoemoe sili ma le faavavau lea.”

Elder Dieter F. Uchtdorf o le Korama a Aposetolo e Toasefululua, “O Le Meaalofa o le Alofatunoa,” Liahona, Me 2015, 108.

“E moni ua togiolaina i tatou e le toto togiola o le Faaola o le lalolagi, ae seiloga lava ua uma ona faia e i latou taitoatasi mea uma na te mafaia e galueaiina ai lona lava faaolataga.”

Peresitene Harold B. Lee, i le Conference Report, Oct. 1970, 15.

Pau le tatou faamoemoega mo le atoatoa moni o loo i ai lea i le taliaina e avea ma se meaalofa mai le lagi—e lē mafai ona tatou ‘maua’ mai. O le mea lea, ua ofoina mai ia i tatou e le alofa tunoa o Keriso … le faaolataga mai le faanoanoa ma le agasala ma le oti.”

Elder Jeffrey R. Holland o le Korama a Aposetolo e Toasefululua, “Ia Atoatoa Ona Lelei o La Outou Amio—I Le Iuga,” Liahona, Nov. 2017, 41.