“E Mafai Faapefea Ona Ou Saunia mo le Afio Mai Faalua o Keriso?,” Liahona, Oke. 2023.
Sau, Mulimuli Mai ia te A’u
E Mafai Faapefea Ona Ou Saunia mo le Afio Mai Faalua o Keriso?
Na aoao mai Paulo o le aso o le toe foi mai o Iesu Keriso o le a oo mai “e pei o se gaoi i le po,” ma faatusatusa i “se fafine ma se tamaitiiti” na faafuasei lava ona fanau mai (1 Tesalonia 5:2–3). O nei faatusatusaga ua faamalamalama mai ai o le a afio mai Keriso i se taimi tatou te le o faamoemoeina.
E ui lava tatou te lē iloa tonu le taimi o le a tupu ai le Afio Mai Faalua, ae e mafai ona tatou saunia pe a tupu. O auala nei e fa e mafai ona tatou saunia ai.
E mafai ona ou faasoa atu le talalelei i isi.
“O i tatou o le nuu ua nafa ma le faafeaoina o le Afio Mai Faalua o Iesu Keriso; e tatau ona tatou faapotopotoina mai fanau a le Atua, o i latou o le a faalogo ma talia le upumoni, feagaiga, ma folafolaga a le talalelei e faavavau.”1
E mafai ona ou valaaulia le Agaga Paia e ala i a’u faatinoga.
Tatou te faia le mea sili e puipuia ai o tatou aafiaga i aso taitasi ina ia tumau le faatosinaga a le Agaga Paia ma i tatou. O i tatou o se malamalama i le lalolagi, ma pe a tatau ai, tatou te filifili ma le loto i ai ia ese mai i isi.”2
E mafai ona ou osia ma faamamaluina feagaiga ma le Atua.
O le mana tatou te manaomia e tatalia ai le vevela o o tatou taimi o le mana o le Alii ma e tafe mai Lona mana e ala ia tatou feagaiga ma Ia. … E tusa lava pe tatou te tautevateva, o loo i ai lava o Ia iina.”3
E mafai ona ou auai soo i le malumalu.
“O le faatumutumuga o le Toefuataiga o le malumalu paia. O ona sauniga ma feagaiga paia ua matua taua i le tapenaina o se nuu o ē ua saunia e faafeiloai le Faaola i Lona Afio Mai Faalua.”14