Para sa mga Magulang

Paghahanap sa Liwanag ng Tagapagligtas sa Aklat ni Mormon

Mahal na mga Magulang,

Ang isyu sa buwang ito ay naglalaan ng mga kabatiran tungkol sa Aklat ni Mormon bilang kurikulum ng Pumarito Ka, Sumunod Ka sa Akin para sa 2024. Tinatalakay ng mga artikulo sa ibaba ang mga susi sa paghahanap ng liwanag at katotohanan sa isang mundong kadalasa’y puno ng kadiliman at kalituhan.

Mga Talakayan tungkol sa Ebanghelyo

Paghahanap sa Liwanag ng Tagapagligtas

Isiping ibahagi sa iyong pamilya ang ilang ideya mula sa artikulo ni Pangulong Eyring sa pahina 4, at talakayin ang papel na ginagampanan ng liwanag sa ating buhay. Rebyuhin ang kuwento ni Kamryn tungkol sa pagkasumpong sa Tagapagligtas sa dilim. Paano maaaring masumpungan ng inyong pamilya ang liwanag ng Tagapagligtas sa pamamagitan ng pag-aaral ninyo ng Aklat ni Mormon ngayong taon?

Saan Hahanapin ang Katotohanan

Ang Diyos ang pinagmumulan ng lahat ng katotohanan, at maaari nating matutuhan ang Kanyang katotohanan sa pamamagitan ng masigasig na paghahanap dito. Kinailangang magpasiya nina Elder at Sister Silva kung saan titira nang makabalik na sila mula sa misyon, kaya humingi sila ng patnubay mula sa Panginoon (tingnan sa pahina 20). Kailan ka nabigyan ng Panginoon ng patnubay na kinailangan mo?

Tingnan ang Iba pa sa Iyong Pag-aaral ng Ebanghelyo

Kapag bumibisita ka sa isang art museum, madalas magmadali ang mga tao na tingnan ang lahat ng mga obrang pwede nilang makita, kaya posibleng makalagpas sa kanila ang kagandahan ng sining. Gayundin, maaaring makalagpas sa mga mambabasa ng Aklat ni Mormon ang mahahalagang katotohanan kung mamadaliin nila ang pagbabasa. Anong mga estratehiya ang makakatulong sa atin para tingnang mabuti ang aklat na ito ng banal na kasulatan? Tingnan sa pahina 12 ang ilang ideya.

Katuwaan ng Pamilya sa Pumarito Ka, Sumunod Ka sa Akin

Ang Makipot at Makitid na Landas

1 Nephi 8; 11; 15

Ang pagkain ng bunga ng punungkahoy ng buhay ay simbolo ng pagpili ng buhay na walang hanggan sa pamamagitan ni Jesucristo (tingnan sa 1 Nephi 15:36; Doktrina at mga Tipan 14:7). Subukan ang aktibidad na ito para malaman kung paano tayo inaakay ng gabay na bakal (ang salita ng Diyos) sa pinakadakilang kaloob na ito ng Diyos.

1. Iteyp sa dingding ang isang larawan ng punungkahoy ng buhay.

2. Iteyp ang isang tali (na kumakatawan sa gabay na bakal) sa ilalim ng larawan, at patayuin ang isang tao sa kabilang panig ng silid na hawak ang kabilang dulo ng pisi.

3. Orasan kung gaano katagal maglalakad ang isang batang nakapiring mula sa isang dulo ng silid hanggang sa punungkahoy ng buhay nang hindi kumakapit sa pisi.

4. Ngayon naman ay orasan kung gaano katagal bago makarating sa punungkahoy ng buhay habang nakahawak sa pisi.

Talakayan: Ano ang magagawa natin para makahawak sa gabay na bakal at huwag bumitiw kailanman?

Mula sa Magasing Para sa Lakas ng mga Kabataan 

Tema ng mga Kabataan para sa 2024

Alamin ang tema ng mga kabataan sa 2024 na, “Ako ay Disipulo ni Jesucristo,” na may mensahe mula sa mga Young Women at Young Men General Presidency at isang bagong awitin tungkol sa tema.

Ang Iyong Identidad Bilang Disipulo

Pinag-aralan ng mga kabataan ang kanilang identidad bilang mga disipulo ni Jesucristo sa pamamagitan ng pagtingin sa ginagawa ng mga disipulo at kung paano nila ito ginagawa.

Maging Katulad ni Sam

Tingnan kung ano ang matututuhan natin tungkol sa pag-iwas sa mga pagkukumpara sa iba sa pamamagitan ng pag-aaral sa halimbawa ng kuya ni Nephi na si Sam.

Mula sa Magasing Kaibigan

Tulong sa Pumarito Ka, Sumunod Ka sa Akin

Maghanap ng mga reading chart, lingguhang aktibidad, kuwento sa banal na kasulatan, at iba pa para matulungan ang inyong mga anak na malaman ang tungkol sa Aklat ni Mormon ngayong taon.

Mga Paraan ng Pagbabasa ng Aklat ni Mormon

Kasama sa isyu sa buwang ito ang mga kuwento tungkol sa mga batang nakasumpong ng mga kakaibang paraan ng pagbabasa ng Aklat ni Mormon. Maghanap ng mga tip para mapagpabuti ang pag-aaral ng inyong pamilya.

Pagsunod kay Jesus sa Thailand

Kilalanin si Panya at alamin kung paano niya sinusunod si Jesus. Pagkatapos ay patuloy na magbasa para malaman ang iba pa tungkol sa Thailand.

Mga Tip sa Pagtatakda ng mga Mithiin

Gamitin ang mga mungkahi sa bahaging Para sa Nakatatandang mga Bata para tulungan ang inyong mga anak na magtakda ng mga mithiin para sa programang Mga Bata at Kabataan.