„Benjamín konungur,“ Sögur úr Mormónsbók (2023)
Benjamín konungur
Þjóna fólkinu og Guði
Benjamín konungur var spámaður Guðs sem ríkti yfir landinu Sarahemla. Hann lagði hart að sér við að þjóna fólkinu og kenna því um Guð. Með hjálp frá öðrum spámönnum Guðs, gerði Benjamín Sarahemla að friðsælum og öruggum stað til að búa á.
Orð Mormóns 1:17–18; Mósía 1:1–7
Benjamín varð gamall. Hann bað son sinn Mósía um að safna fólkinu saman. Benjamín vildi segja fólkinu að Mósía yrði nýi konungurinn þeirra.
Margt fólk kom frá öllum landshlutum. Þau settu upp tjöld sín nærri musterinu til að hlusta á Benjamín.
Benjamín talaði úr turni svo margt fólk gæti heyrt í honum. Benjamín sagði að Guð hjálpaði honum að leiða það. Sem konungur kenndi hann þeim að hlýða boðorðum Guðs. Hann tók hvorki peninganna þeirra, né lét það þjóna sér. Þess í stað vann hann að því að þjóna fólkinu og Guði.
Benjamín sagði fólkinu að þegar það þjónaði hvert öðru, þjónaði það einnig Guði. Hann sagði þeim að allt sem það hefði kæmi frá Guði. Í staðinn vildi Guð að fólkið hlýddi boðorðum sínum. Þegar fólkið hlýddi, veitti Guð þeim enn meiri blessanir.
Benjamín sagði fólkinu að hann gæti ekki lengur verið konungur þess eða kennari. Sonur hans Mósía yrði nýi konungurinn þeirra.
Benjamín konungur sagði síðan fólkinu sínu að engill hefði heimsótt hann. Engillinn sagði að sonur Guðs, Jesús Kristur, myndi koma til jarðarinnar. Hann myndi gera kraftaverk og lækna fólk. Hann myndi þola sársauka og deyja til að frelsa alla menn. Benjamín kenndi að Jesús myndi fyrirgefa öllum sem trúðu á hann og iðruðust.
Fólkið trúði því sem Benjamín kenndi því um Jesú. Hann vissi að það yrði að iðrast. Allt fólkið baðst fyrir og bað Guð um að fyrirgefa sér. Eftir að hafa beðist fyrir, var andi Guðs með þeim. Þau voru hamingjusöm að vita að Guð fyrirgaf þeim vegna trúar þeirra á Jesú.
Fólki leið öðruvísi og sem nýjar manneskjur vegna trúar þess á Jesú. Nú vildu þau alltaf gera góða hluti. Það lofaði að fylgja boðorðum Guðs til æviloka. Vegna þess að það trúði á Jesú og gaf þetta loforð, var það kallað fólk Jesú.