«Ալման Մորմոնի ջրերում», Մորմոնի Գրքի պատմություններ (2023)
Ալման Մորմոնի ջրերում
Դառնալ Աստծո ժողովուրդ
Ալման եղել է Նոյ թագավորի քահանան։ Ալման փորձեց փրկել Աբինադիին՝ Աստծո մարգարեին, որին Նոյը ցանկանում էր սպանել: Բայց Նոյը բարկացավ Ալմայի վրա և ցանկացավ սպանել նաև Ալմային։ Ալման փախավ Նոյից՝ ապահով մնալու համար։ Օրվա ընթացքում Ալման թաքնվում էր մոտիկ մի վայրի, որը կոչվում էր Մորմոնի ջրեր։
Ալման հավատում էր այն ամենին, ինչ Աբինադին ուսուցանում էր Հիսուս Քրիստոսի մասին։ Նա խնդրեց Աստծուն ներել իրեն իր մեղքերն ու սխալները։
Ալման առանձին հանդիպեց մարդկանց և ուսուցանեց նրանց Հիսուսի մասին։ Նա սովորեցնում էր բոլոր լսողներին։
Շատերը հավատացին Ալմային։ Նրանք գնացին Մորմոնի ջրերի մոտ՝ լսելու, թե ինչպես էր ուսուցանում Ալման։
Հավատացյալները ցանկանում էին կոչվել Աստծո ժողովուրդ, օգնել կարիքավորներին և մարդկանց պատմել Աստծո մասին։ Ուստի, Ալման նրանց հրավիրեց մկրտվել։ Մկրտվելով նրանք ուխտ կկապեն Աստծո հետ կամ կխոստանան ծառայել Նրան և պահել Նրա պատվիրանները։ Ի պատասխան՝ Աստված կօրհնի նրանց Իր Հոգով։
Մարդիկ շատ ուրախ էին։ Նրանք ծափ տվեցին և ասացին, որ ցանկանում են մկրտվել։ Ալման նրանցից յուրաքանչյուրին մկրտեց Մորմոնի ջրերում։ Նրանք բոլորը լցված էին Աստծո Հոգով և զգացին Աստծո սերը իրենց հանդեպ։ Նրանք դարձան Քրիստոսի Եկեղեցու անդամներ։
Նոյը նկատեց, որ իր ժողովրդից մի քանիսը լքում են իր երկիրը։ Նա ծառաներ ուղարկեց նրանց հետևելու համար։ Ծառաները տեսան, թե ինչպես են մարդիկ գնում Մորմոնի վայրը՝ լսելու Ալմայի խոսքերը։ Նոյը շատ զայրացած էր։ Նա ուղարկեց իր բանակը՝ սպանելու Ալմային և այն մարդկանց, որոնց Ալման ուսուցանում էր։
Աստված Ալմային զգուշացրեց բանակի մասին։ Աստծո օգնությամբ Ալման և նրա ժողովուրդը ապահով հեռացան երկրից։ Բանակը չկարողացավ բռնել նրանց։ Նրանք ութ օր քայլեցին անապատում և եկան մի գեղեցիկ երկիր։ Նրանք այնտեղ նոր տներ կառուցեցին։ Ալման ուսուցանեց մարդկանց, և նրանք պահեցին Աստծուն տված իրենց խոստումը։