«Կորիանթոնը», Մորմոնի Գրքի պատմություններ (2023)
Կորիանթոնը
Կրկին դառնալ դեպի Տերը
Կորիանթոնը Ալմայի որդիներից մեկն էր: Իր հոր, իր եղբայր Սիբլոնի և մյուսների հետ նա գնաց Հիսուս Քրիստոսի ավետարանի մասին ուսուցանելու զորամացիներ կոչվող մի խմբի:
Երբ Կորիանթոնը մարդկանց հետ էր, նա գայթակղվեց և մեղք գործեց: Տիրոջը հնազանդվելու փոխարեն նա որոշեց անել բաներ, որոնք հակասում էին Աստծո պատվիրաններին: Նրա արարքների պատճառով զորամացիներից ոմանք չհավատացին Ալմայի և նրա որդիների ուսուցանածին:
Ալման Կորիանթոնին կոչ արեց ապաշխարել և դիմել Տիրոջը ներման համար: Կորիանթոնը մտահոգված էր Տիրոջ ծրագրի որոշ մասերով: Ալման օգնեց իր որդուն հասկանալ երջանկության Տիրոջ ծրագիրը, Քրիստոսի Քավությունը, հարությունը և մահից հետո կյանքը: Ալման հիշեցրեց նրան, որ Տերն իր համար գործ ուներ անելու:
Կորիանթոնը լսեց իր հորը Նա հավատաց Հիսուսին և զղջաց իր մեղքերի համար: Նա իմացավ, որ Տերն արդար է, ինչպես նաև սիրող ու բարի: Կորիանթոնը կրկին ուսուցանում էր իր հոր և եղբոր հետ: Նրանք շատ մարդկանց ուսուցանեցին ապաշխարության և Հիսուս Քրիստոսի ավետարանով ապրելու ուրախության և խաղաղության մասին: