Հելաման 3-6

Նեփի և Լեքի եղբայրները

Երկնքից ձայն լսեցին

Նեփին և Լեքին եղբայրներ էին, որոնք ցանկանում էին, որ բոլորն իմանային Հիսուս Քրիստոսի ավետարանի մասին։ Նեփիացիներն ու Լամանացիները պատերազմում էին, բայց եղբայրները շարունակում էին ուսուցանել մարդկանց երկու խմբերում։ Մի օր, երբ նրանք ճամփորդում էին մարդկանց ուսուցանելու, Լամանացիների զորքը նրանց բանտ նետեց։

Հելաման 3․20-21, 37, 4․4-5, 14; 5․4-21

Շատ օրեր անց զորքը եկավ բանտ՝ սպանելու Նեփիին և Լեքիին։

Հելաման 5․22

Նախքան որևէ մեկը կարող էր վնասել Նեփիին և Լեքիին, կրակն օղակում է նրանց։ Կրակը չէր այրում նրանց։ Փոխարենը, Աստված նրանց ապահով պահեց։ Ապա գետինը ցնցվեց։ Կարծես բանտի պատերը պատրաստվում էին քանդվել։ Շուտով խավարի ամպը ծածկեց բանտում գտնվող մնացած մարդկանց։ Մարդիկ շատ վախեցած էին։

Հելաման 5.23-28

Խավարի ամպի վերևից մի ձայն հնչեց։ Դա մի հանդարտ ձայն էր՝ շշուկի նման, սակայն այն թափանցեց մարդկանց սրտերը։ Դա Աստծո ձայնն էր։ Աստված ասաց նրանց, որ ապաշխարեն։

Հելաման 5․29-30, 46-47

Գետինն ու բանտը ավելի շատ ցնցվեցին։ Ձայնը նորից հնչեց ու ժողովրդին ասաց, որ ապաշխարեն։ Մարդիկ չէին կարողանում շարժվել ամպի և իրենց վախի պատճառով։

Հելաման 5.31-34

Բազմության մեջ կար Ամինադաբ անունով մի տղամարդ։ Նա մի ժամանակ Աստծո Եկեղեցուց էր։ Նա տեսավ, որ Նեփիի և Լեքիի դեմքերը սկսեցին պայծառ փայլել։ Նրանք հրեշտակների նման էին։ Թվում էր, թե ինչ-որ մեկի հետ էին խոսում, ով երկնքում էր։ Ամինադաբն ասաց բոլորին, որ նայեն Նեփիին և Լեքիին։

Հելաման 5.35–39

Մարդիկ հարցրին Ամինադաբին, թե ինչպես կարելի էր ազատվել խավարի ամպից։ Ամինադաբը պատմեց այն, ինչ գիտեր Աստծո և Հիսուսի մասին։ Նա մարդկանց ասաց, որ ապաշխարեն, հավատան Հիսուսին և աղոթեն առ Աստված։ Ժողովուրդը լսեց Ամինադաբին։ Նրանք աղոթեցին, մինչև որ խավարը վերացավ։

Հելաման 5.40-42

Աստծո կրակը օղակել էր բոլոր մարդկանց և չէր վնասում նրանց։ Մարդիկ լցվել էին Սուրբ Հոգով և շատ երջանիկ էին։ Նրանք հրաշալի բաներ ասացին։ Նորից հնչեց ձայնը։ Այն մաղթում էր նրանց խաղաղություն ունենալ՝ Հիսուսի հանդեպ ունեցած հավատքի շնորհիվ։ Հրեշտակներ եկան և սպասավորեցին մարդկանց։

Հելաման 5.43-49

Նեփին, Լեքին և ողջ ժողովուրդը դուրս եկան բանտից։ Նրանք ամբողջ երկրով մեկ շատ մարդկանց պատմեցին այն, ինչ տեսել և լսել էին այդ օրը։ Լամանացիների մեծ մասը հավատաց և որոշեց հետևել Հիսուսին։ Նրանք վերջ դրեցին պատերազմին։ Փոխարենը, նրանք օգնեցին մարդկանց հավատալ Հիսուսին և ապաշխարել։

Հելաման 5․50-52, 6․1-6