3 Նեփի 7-11

Հիսուսը այցելում է մարդկանց

Օգնում է յուրաքանչյուրին հավատալ Իրեն

Մարդկանցից շատերը չէին կամենում լսել Աստծո մարգարեներին։ Բայց ոմանք հավատացին այն ամենին, ինչ մարգարեները սովորեցրեցին։ Այս հավատացյալները սպասում էին Հիսուս Քրիստոսի մահվան նշաններին։

3 Նեփի 7․16-26, 8․1-4

Երուսաղեմում Հիսուսի մահից հետո նշանները սկսվեցին։ Ամերիկայում երեք ժամ շարունակ փոթորիկներ, երկրաշարժեր և հրդեհներ եղան: Քաղաքներ ավերվեցին, և շատ մարդիկ մահացան։ Հետո երեք օր լիակատար խավար եղավ։

3 Նեփի 8․5-19, 23

Մութն այնքան թանձր էր, որ ժողովուրդը չէր կարող տեսնել արևը, լուսինը և աստղերը: Նրանք նույնիսկ չէին կարող կրակ կամ մոմ վառել։

3 Նեփի 8․20-23

Շատ մարդիկ, ովքեր դեռ ողջ էին, շատ տխուր էին ու վախեցած։ Նրանք լաց եղան և ափսոսացին, որ ավելի շուտ չեն ապաշխարել։

3 Նեփի 8․24-25

Հանկարծ նրանք լսեցին մի ձայն։ Այդ Հիսուսն էր խոսում նրանց հետ։ Նա խոստացավ բուժել բոլոր նրանց, ովքեր ապաշխարեցին։ Հիսուսն ասաց նրանց, որ նա մահացել է և հետ վերադարձել կյանք, որ բոլոր մարդկանց օգնի։ Մարդիկ այնքան զարմացած էին, որ դադարեցին լաց լինել։ Երկրում լռություն էր տիրում շատ ժամեր:

3 Նեփի 9, 10․1-2

Հիսուսը կրկին խոսեց։ Նա ասաց մարդկանց, որ կօգնի նրանց, եթե նրանք ընտրեն հետևել Իրեն։ Մութն անցավ, և երկիրը դադարեց ցնցվել։ Ժողովուրդը երջանիկ էր և գովերգեց Հիսուսին։

3 Նեփի 10․3-10

Մոտ մեկ տարի անց շատ մարդիկ եկան տաճար՝ Լիառատ երկրում։ Նրանք խոսեցին Հիսուսի և Նրա մահվան նշանների մասին։ Մինչ նրանք խոսում էին իրար հետ, երկնքից մի մեղմ ձայն լսվեց։ Սկզբում նրանք չէին կարողանում հասկանալ այն։ Հետո նորից լսեցին։

3 Նեփի 8․5, 10․18, 11․1-4

Երբ երրորդ անգամ լսեցին ձայնը, նայեցին դեպի երկինք: Դա Երկնային Հայրն էր, որ խոսում էր։ Նա ժողովրդին ասաց, որ տեսնեն և լսեն Իր Որդուն։ Հետո մարդիկ տեսան մի մարդու, ով ճերմակ պարեգոտ հագին իջնում էր երկնքից։

3 Նեփի 11․5-8

Այդ մարդը կանգնեց ժողովրդի մեջ և ասաց. «Ես Հիսուս Քրիստոսն եմ»։ Ժողովուրդն ընկավ գետնին։ Հիսուսն ասաց նրանց, որ նա տառապել և մահացել է բոլորի համար։ Նա հրավիրեց ժողովրդին շոշափել Իր ձեռքերի, ոտքերի և կողերի նշանները, որպեսզի նրանք կարողանային իմանալ, որ Նա է աշխարհի Փրկիչը։

3 Նեփի 11․8-14

Բազմությունը Հիսուսի մոտ գնաց մեկ առ մեկ: Նրանք իրենց սեփական աչքերով տեսան և իրենց իսկ ձեռքերով զգացին նշանները Նրա ձեռքերի, ոտքերի և կողերի մեջ: Նրանք բոլորը գիտեին, որ Նա է այն մեկը, ում մասին մարգարեներն ասում էին, որ գալու է։ Նրանք գիտեին, որ Նա է աշխարհի Փրկիչը։ Ժողովուրդը ընկավ Հիսուսի ոտքերի մոտ և երկրպագեց Նրան։

3 Նեփի 11․15-17