3 Նեփի 11, 13, 18

Հիսուսն ընտրում է տասներկու աշակերտներին

Սովորեցնելու և մկրտելու զորությունը

Երբ Հիսուս Քրիստոսը եկավ Լիառատ քաղաքը, Նա ընտրեց տասներկու հոգու և զորություն տվեց նրանց ուսուցանելու և մկրտելու: Նա նաև Սուրբ Հոգու պարգևը տալու զորություն տվեց նրանց։ Նա նրանց անվանեց Իր աշակերտները: Աշակերտները արեցին այն, ինչ Հիսուսը սովորեցրեց նրանց անել։

3 Նեփի 11․1, 18-22, 41, 12․1, 15․11–12, 18․36–37

Հիսուսն Իր աշակերտներին սովորեցրեց, թե ինչպես մկրտել: Նա ասաց նրանց այն խոսքերը, որ նրանք պետք է ասեն։ Նա սովորեցրեց նրանց, որ մարդուն իջեցնեն ջրի տակ և օգնեն, որ նորից դուրս գա։ Հիսուսն ասաց, որ միշտ մկրտեն այնպես, ինչպես Նա սովորեցրեց նրանց։ Նա նաև ուսուցանեց նրանց Սուրբ Հոգու մասին:

3 Նեփի 11․22-28, 35

Հիսուսը ցանկանում էր, որ Իր աշակերտները համերաշխ լինեին միմյանց հետ և չվիճեին։ Նա ասաց, որ երբ նրանք վիճեն, նրանք չեն հետևի Իր ուսմունքներին։

3 Նեփի 11.28-30:

Հիսուսը սովորեցրեց ժողովրդին հավատալ Իրեն, ապաշխարել և մկրտվել, որպեսզի նրանք կարողանան կրկին ապրել Երկնային Հոր հետ։

3 Նեփի 11․31-33

Հիսուսն Իր աշակերտներին ասաց, որ եթե նրանք հավատում են Իրեն, նրանք հավատում են Երկնային Հորը նույնպես։ Սուրբ Հոգին կօգնի նրանց իմանալ, որ Հիսուսն ու Երկնային Հայրը իրական են։

3 Նեփի 11․35-36

Երբ Հիսուսն ավարտեց Իր աշակերտներին ուսուցանելը, Նա ասաց նրանց, որ գնան և ուսուցանեն բոլոր մարդկանց։ Նա ասաց, որ չանհանգստանան, թե ինչ են ուտելու, խմելու կամ հագնելու։ Նա ասաց նրանց, որ եթե նրանք ծառայեն Երկնային Հորը, Երկնային Հայրը հոգ կտանի նրանց մասին։

3 Նեփի 11․41, 13․25-34