រៀន

ការស្វែងរកការងាររបស់ខ្ញុំ

មាតិកា
បុព្វកថា
តារាងមាតិកា
១ ៖ តើខ្ញុំអាចស្វែងរកឱកាសការងារត្រឹមត្រូវយ៉ាងដូចម្ដេច ?
២ ៖ តើខ្ញុំបង្ហាញពីខ្លួនខ្ញុំដោយអានុភាពបញ្ចុះបញ្ចូលយ៉ាងដូចម្ដេច ?
៣ ៖ តើខ្ញុំអាចចូលដឹងពីទីផ្សារការងារ « លាក់កំបាំង » យ៉ាងដូចម្ដេច ?
៤ ៖តើខ្ញុំអាចក្លាយទៅជាបេក្ខជនមានលក្ខណៈសម្បត្តិល្អជាងគេយ៉ាងដូចម្តេច ?
៥ ៖ តើខ្ញុំអាចពន្លឿនការស្វែងរកការងាររបស់ខ្ញុំយ៉ាងដូចម្ដេច ?
៦ ៖ តើខ្ញុំអាចពូកែធ្វើការងារ ហើយបន្ដមានភាពជោគជ័យយ៉ាងដូចម្ដេច ?
៧ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
៨ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
៩ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
១០ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
១១ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
១២ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
ផែនទីស្វែងរកការងារជោគជ័យ

រៀន

តើយើងនឹងធ្វើអ្វីខ្លះនៅក្នុងក្រុមនេះ ?

ម៉ោង ៖ សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។

អាន ៖ដើម្បីយល់អំពីគោលបំណងនៃក្រុមភាពខ្លួនទីពឹងខ្លួននេះ សូមបើកទៅខាងក្នុងគម្របនៃសៀវភៅលំហាត់នេះ ហើយអានការណែនាំ ។

យើងនៅទីនេះដើម្បីជួយគ្នាទៅវិញទៅមក ស្វែងរកការងារថ្មី ឬការងារល្អប្រសើរ ។ យើងក៏មានគោលដៅកាន់តែធំផងដែរ ៖ ដើម្បីក្លាយជាមនុស្សមានភាពខ្លួនទីពឹងខ្លួន ដើម្បីយើងអាចបម្រើអ្នកដទៃបានកាន់តែល្អប្រសើរ ។

អនុវត្ត ៖អ្នកទាំងឡាយដែលអនុវត្តគោលការណ៍ទាំងនេះ ដែលយើងនឹងរៀនជាមួយគ្នា ជាញឹកញាប់នឹងស្វែងរកបានការងារឆាប់បំផុត ។ ដូច្នេះវាមានតម្លៃ ! សូមបើកទៅ ផែនទីស្វែងរកការងារជោគជ័យ នៅទំព័រចុងក្រោយនៃសៀវភៅលំហាត់នេះ ហើយផ្លាស់វេនគ្នាអាន ។

អាន ៖រាល់ថ្ងៃ យើងនឹងអភិវឌ្ឍការស្វែងរកការងាររបស់យើង ។ ពេលចាប់ផ្ដើមនៅថ្ងៃនេះ យើងនឹងផ្ដោតទៅលើការឆ្លើយនឹងសំណួរប្រាំមួយនៅលើ ផែនទីស្វែងរកការងារជោគជ័យ សម្រាប់ខ្លួនយើង ។ យើងនឹងធ្វើការប្តេជ្ញាចិត្ត ធ្វើសកម្មភាព រួចហើយរាយការណ៍ទៅកាន់ក្រុម ។ យើងនឹងជោគជ័យទាំងអស់គ្នា !

ទោះក្រោយពីយើងមានការងារក្តីក៏យើងនឹងបន្ដមកកាន់ការប្រជុំក្រុម ដើម្បីរៀន និងអនុវត្ត គោលការណ៍ មូលដ្ឋានគ្រឹះទាំងឡាយដែរ ។ យើងអាចបន្ដជួយលើកទឹកចិត្តដល់សមាជិកក្រុមជាបងប្អូនយើង ហើយទទួលជំនួយរបស់ក្រុមពេលជួបឧបសគ្គនានា ក្នុងការស្វែងរកការងាររបស់យើង ។

នេះគឺជាសំណួរ និង សកម្មភាពប្រចាំសប្ដាហ៍ ។

អាន ៖ សំណួរប្រចាំសប្ដាហ៍—តើខ្ញុំអាចស្វែងរកឱកាសការងារត្រឹមត្រូវយ៉ាងដូចម្ដេច ?

សកម្មភាពប្រចាំសប្ដាហ៍—រៀបចំ ហើយអនុវត្តសេចក្ដីថ្លែងការណ៍ « ខ្ញុំក្នុង ៣០ វិនាទី » ហើយចែកចាយវាជាមួយមនុស្សគ្រប់រូបតាមដែលខ្ញុំអាចធ្វើបាន ។ សូមពិចារណាធ្វើការស្វែងរកការងារយ៉ាងលឿន ( សកម្មភាពមានជម្រើស ) ។

ពេលនៅសល់ទាំងប៉ុន្មានពីការប្រជុំនេះ នឹងជួយយើងឆ្លើយសំណួរនេះ ហើយធ្វើសកម្មភាពទាំងនេះ ។

អនុវត្ត ៖សូមធ្វើសកម្មភាពដំបូងគេរបស់យើងជាក្រុម ។ សូមចំណាយពេលប្រាំនាទី ហើយសម្រេចចិត្តដាក់ឈ្មោះក្រុមរបស់យើង ។

សូមសរសេរឈ្មោះក្រុមដូចខាងក្រោម ៖

តើខ្ញុំមានអ្វីខ្លះដើម្បីផ្ដល់ឲ្យ ?

ពិភាក្សា ៖តើអ្នកធ្លាប់ខ្មាស់អៀនក្នុងការប្រាប់ដល់គេឯងថាអ្នកត្រូវការការងារមួយឬទេ ?

អាន ៖យើងពុំគួរបារម្ភឡើយ ! មនុស្សគ្រប់រូបត្រូវការមានការងារមួយពេលខ្លះ ។ យើងម្នាក់ៗមានទេពកោសល្យ និងបទពិសោធន៍ជាច្រើន ។ បន្ថែមលើនេះ យើងទាំងអស់គ្នាជាកូនចៅរបស់ព្រះ ។ យើងអាចទទួលបានជោគជ័យ ! យើងចាំបាច់ត្រូវប្រាប់មនុស្សគ្រប់រូបថា យើងកំពុងស្វែងរកការងារដ៏ល្អមួយ ហើយថាយើងមានគោលតម្លៃសមនឹងវា !

អនុវត្ត ៖សូមបំបែកជាក្រុមតូចៗ ដែលមានមនុស្សបីនាក់ក្នុងមួយក្រុម ។ សូមបែរកៅអីទល់មុខគ្នា ហើយធ្វើសកម្មភាពដូចខាងក្រោម ។

សូមឲ្យម្នាក់ ប្រាប់មនុស្សម្នាក់ទៀតអំពីជោគជ័យមួយដែលបានសម្រេច ។ សូមប្រាប់ដោយសង្ខេប ! អ្នកអាចនិយាយ ៖ « ខ្ញុំត្រូវបានផ្តល់ឲ្យនូវរង្វាន់ ‹ បុគ្គលិកឆ្នើមផ្នែកសេវាកម្ម › នៅកន្លែងធ្វើការ » ឬ « ខ្ញុំបានបម្រើបេសកកម្ម » ( ឬការហៅបម្រើក្នុងសាសនាចក្រផ្សេងទៀត ) ឬ « ខ្ញុំជាម្ដាយម្នាក់ » ។
ឥឡូវ មនុស្សពីរនាក់ទៀត គួរតែប្រាប់អ្នកនូវជំនាញ និងសមត្ថភាពដែលត្រូវការមាន ដើម្បីសម្រេចនូវជោគជ័យនោះ ឲ្យលឿនបំផុតតាមដែលពួកគេអាចបាន ។ បើអ្នកនិយាយថា « ខ្ញុំបានបម្រើបេសកកម្ម » នោះអ្នកដទៃអាចនិយាយយ៉ាងលឿនថា « នោះអ្នកគឺជាសិស្សក្លាហាន សិស្សល្អ មនុស្សឧស្សាហ៍ ជាអ្នកដឹកនាំ អ្នកធ្វើការសង្គម ជាអ្នកចេះដាក់គោលដៅ ធ្វើល្អនឹងមនុស្សដទៃ ជាគ្រូបង្រៀន ជាអ្នកដាក់ផែនការល្អ ហើយអាចធ្វើការងារលំបាកៗបាន » ។
សូមធ្វើដំណើរការនេះដដែលៗ សម្រាប់មនុស្សម្នាក់ៗក្នុងក្រុមរបស់អ្នក ។

ពិភាក្សា ៖តើអ្នកមានអារម្មណ៍យ៉ាងដូចម្ដេច ពេលអ្នកដទៃនិយាយអំពីទេពកោសល្យ និង ជំនាញរបស់អ្នក ?

អាន ៖នៅក្នុងប្រអប់នេះ សូមគូសរង្វង់ជុំវិញភាពជោគជ័យរបស់អ្នក ហើយសរសេរបន្ថែមទៀត ។ សូមកុំខ្មាស់អៀន ។ បន្ទាប់មកគូសរង្វង់ជុំវិញត្រង់សមត្ថភាព ជំនាញ និងគុណសម្បត្តិរបស់អ្នក ហើយសរសេរបន្ថែមទៀត ។ សូមព្យាយាមសម្លឹងមើលមកខ្លួនអ្នក ដូចជាព្រះវរបិតាសួគ៌ទតមើលមកអ្នក !

ការសម្រេចបាន ( សូមគូសរង្វង់ ហើយសរសេរបន្ថែមទៀត )
ការហៅបម្រើក្នុងសាសនាចក្រ
បេសកកម្ម
ឪពុកម្ដាយ
រង្វាន់នៅកន្លែងធ្វើការ
ការអប់រំ
ថ្នាក់ដឹកនាំ
រង្វាន់ផ្នែកសេវាកម្ម
ដឹកនាំការប្រជុំ
បានលក់អ្វីមួយ
បានធ្វើអ្វីមួយ
បានថ្លែងសុន្ទរកថា

សមត្ថភាព ជំនាញ គុណសម្បត្តិ ( សូមគូសរង្វង់ ហើយសរសេរបន្ថែមទៀត )
ស្មោះត្រង់	ឧស្សាហ៍ព្យាយាម
ជំនាញលក់	អ្នកយកចិត្តទុកដាក់ស្តាប់
អាចទុកចិត្តបាន	ចិត្តល្អ
ជំនាញខាងការសម្អាត	ជាងគ្រឿងម៉ាស៊ីន
ទំនាក់ទំនង	អ្នកដាក់គោលដៅ
គ្រូ	មានសមត្ថភាព
ឈ្លាសវៃ	ផ្នែកទំហែរទាំ
សំណង់	អត់ធ្មត់
ច្នៃប្រឌិត	មានចរិតលក្ខណៈល្អ
ឈ្លាសវៃប៉ិនប្រសប់	អ្នកជ្រំជ្រែងក្រុម
អ្នកដាក់ផែនការ	វិជ្ជមាន

តើខ្ញុំប្រាប់អ្នកដទៃអំពីខ្លួនខ្ញុំយ៉ាងដូចម្ដេច ?

អាន ៖ឥឡូវអ្នកដឹងថា ខ្លួនអ្នកមានអ្វីជាច្រើនដើម្បីផ្ដល់ឲ្យ ! ដើម្បីទទួលបានការងារល្អមួយ អ្នកចាំបាច់ត្រូវប្រាប់មនុស្សថា អ្នកអាចប្រើជំនាញរបស់អ្នកដើម្បីជួយអ្នកដទៃបានយ៉ាងដូចម្ដេច—ហើយអ្នកចាំបាច់ត្រូវប្រាប់ពួកគេយ៉ាងឆាប់រហ័ស ហើយប្រកបដោយអានុភាព ។ ជាមួយក្រុមទាំងមូល សូមផ្លាស់ប្តូរវេនគ្នាអានរឿង « ការណែនាំខ្លួនរបស់ សូហ្វីយ៉ា » ។

ការណែនាំខ្លួនរបស់សូហ្វីយ៉ា

ជម្រាបសួរ ! ¹ ខ្ញុំឈ្មោះ សូហ្វីយ៉ា កុងស្សាឡេស ហើយ ² ខ្ញុំចង់មានការងារបង្រៀននៅសាលាឯកជន ។ ³ ខ្ញុំមានបទពិសោធន៍បង្រៀនរយៈពេលប្រាំឆ្នាំ ហើយមានវិញ្ញាបនបត្រផ្នែកបណ្តុះបណ្តាល ។ សិស្សខ្ញុំទទួលបានពិន្ទុល្អក្នុងការប្រឡង ។ ⁴ ខ្ញុំជាគ្រូរីករាយ ហើយសិស្សខ្ញុំខិតខំយ៉ាងខ្លាំង ។

¹ ឈ្មោះ ² កម្មវត្ថុ ³ គុណប្រយោន៍ ⁴ គុណសម្បត្តិ

អនុវត្ត ៖ឥឡូវ សូមបង្កើតការណែនាំខ្លួនរបស់អ្នកជាមួយនឹងផ្នែកទាំងបួននេះ ។ សូមសរសេរនៅលើបន្ទាត់ដូចខាងក្រោម ។ សូមចំណាយពេល ២-៣ នាទី ។ រួមមាន ៖

ឈ្មោះរបស់អ្នក
ការងារដែលអ្នកចង់បាន ( កម្មវត្ថុ )
ហេតុអ្វីអ្នកនឹងធ្វើបានល្អក្នុងការងារនោះ ( លក្ខណៈសម្បត្តិ )
គុណសម្បត្តិឬជំនាញខ្លះៗ ដែលនឹងជួយអ្នកជោគជ័យក្នុងការងារនោះ

« ខ្ញុំក្នុង ៣០ វិនាទី » ៖ បង្រួមវាឲ្យខ្លី ! មនុស្សនឹងស្ដាប់តែពីរបីវិនាទីប៉ុណ្ណោះ ។

ការណែនាំខ្លួនប្រភេទនេះ ត្រូវបានហៅថា សេចក្ដីថ្លែងការណ៍ « ខ្ញុំក្នុង ៣០ វិនាទី » ។ សូមក្រោកឈរណែនាំខ្លួនម្ដងម្នាក់ៗជាមួយនឹងសេចក្ដីថ្លែងការណ៍ « ខ្ញុំក្នុង ៣០ វិនាទី » ។ សូមរក្សាវាតែ ៣០ វិនាទី ។ សូមទះដៃ ហើយអបអរដល់គ្នាទៅវិញទៅមក !

អាន ៖« ខ្ញុំក្នុង ៣០ វិនាទី » គឺជាវិធីដ៏អស្ចារ្យមួយដើម្បីណែនាំខ្លួនយើង ជាពិសេសពេលវាជាក់លាក់ ។ វានឹងកាន់តែមានអានុភាព ពេលយើងបន្ថែមសំណួរមួយនៅចុងបញ្ចប់ ដែលជាក់លាក់ចំពោះមនុស្សដែលយើងកំពុងនិយាយជាមួយនោះ ។ សូហ្វីយ៉ា បានអនុវត្តបន្ថែមសំណួរផ្សេងៗទៅក្នុងការណែនាំខ្លួនរបស់នាង អាស្រ័យទៅលើមនុស្សដែលនាងជួប ៖

មិត្តភក្តិ ក្រុមគ្រួសារ ៖ តើគ្រូបង្រៀន ឬម្ចាស់សាលាណាដែលអ្នកស្គាល់ ?

លេខាធិការ ៖តើអ្នកអាចនាំខ្ញុំទៅជួបលោក ហ្គូមេហ្ស ជាម្ចាស់សាលាបានឬទេ ?

និយោជិត ៖ តើបទពិសោធន៍របស់ខ្ញុំ អាចជួយប្អូនយ៉ាងដូចម្ដេច ?

យើងគួរតែណែនាំខ្លួនយើងទៅមនុស្សឲ្យបានច្រើនតាមដែលយើងអាចធ្វើទៅបាន ដើម្បីឲ្យពួកគេដឹងថា យើងមានពេលវេលាសម្រាប់ការងារ ។

អនុវត្ត ៖សូមចំណាយពេលពីរបីនាទីដើម្បីសរសេរ« ខ្ញុំក្នុង ៣០ វិនាទី » របស់អ្នកម្ដងទៀត ។ សូមធ្វើឲ្យបានល្អជាងមុន ។ សូមបន្ថែមគុណប្រយោជន៍ និងគុណសម្បត្តិច្បាស់លាស់ ។ សូមបន្ថែមសំណួរមួយ ដែលអ្នកអាចប្រើនៅពេលនិយាយជាមួយនិយោជិត ។

សំណួរ ៖

អនុវត្ត ៖សូមធ្វើសកម្មភាពដូចខាងក្រោមជាក្រុម ។ វាពុំគួរចំណាយពេលច្រើនជាងប្រាំទៅប្រាំមួយនាទីនោះទេ ។

អ្នកគ្រប់គ្នាក្រោកឈរឡើង ហើយដើរទៅកន្លែងដែលទំនេរ ។ ម្នាក់ៗគួរបែរមុខទល់គ្នា ។
សូមនិយាយ « ខ្ញុំក្នុង ៣០ វិនាទី » របស់អ្នកទៅដៃគូអ្នក ។
បន្ទាប់មក សូមឲ្យម្នាក់នោះ និយាយ « ខ្ញុំក្នុង ៣០ វិនាទី » របស់ពួកគេមកកាន់អ្នក ។
សូមផ្ដល់មតិកែលម្អដល់គ្នាទៅវិញទៅមកឲ្យឆាប់ៗ ៖
- តើវាមានទាំងបួនផ្នែកឬទេ ? ( ឈ្មោះ កម្មវត្ថុ គុណសម្បត្តិ លក្ខណៈ )
- តើវាបញ្ចប់ដោយការសួរសំណួរឬទេ ?
- តើវាល្អ ហើយមានទំនុកចិត្តឬទេ ? តើវាបង្កើតការទុកចិត្តឬទេ ?
- តើមនុស្សនោះញញឹមឬទេ ?
- តើអ្នកចង់បញ្ជូនឈ្មោះម្នាក់នេះ ឬផ្ដល់ការងារឲ្យគាត់ឬនាង ដែរឬទេ ?
បន្ទាប់មកសូមប្ដូរដៃគូ ហើយធ្វើវាម្ដងទៀត ។ ហើយម្ដងទៀត !
សូមធ្វើឲ្យលឿនបំផុតតាមដែលអ្នក អាចធ្វើបានរហូតដល់មនុស្សគ្រប់គ្នាបានសាកល្បងធ្វើបានប្រាំដង ។

អាន ៖ចាប់ប្តេជ្ញាពីពេលនេះទៅ យើងនឹងមិនខ្មាស់អៀនដើម្បីប្រាប់មនុស្សដទៃថាយើងកំពុងស្វែងរកការងារមួយនោះទេ ។ យើងអាចបើកមាត់របស់យើង ហើយប្រាប់ មនុស្សគ្រប់គ្នា ថាយើងទំនេរដើម្បីទទួលការងារ ហើយថាយើងមានសមត្ថភាពប៉ុណ្ណា !

តើយើងត្រៀមខ្លួនដើម្បីចេញទៅ ហើយនិយាយ « ខ្ញុំក្នុង ៣០ វិនាទី » ទៅដល់មនុស្សគ្រប់គ្នាដែលយើងជួប មុនពេលការប្រជុំរបស់យើងម្ដងទៀតហើយឬនៅ ? តើយើងយល់ព្រមទេ ?

សកម្មភាពមានជម្រើស ៖ ការរកបានការងារឲ្យបានលឿន
( សូមកុំធ្វើសកម្មភាពនេះអំឡុងពេលធ្វើការប្រជុំឡើយ ) ។
នៅក្នុងការប្រជុំលើកទីប្រាំរបស់យើង យើងនឹងរៀនអំពីវិធីមួយដើម្បីពន្លឿនការស្វែងរកការងាររបស់យើង ។ ប៉ុន្តែ បើអ្នកចង់បានលឿនអ្នកត្រូវតែស្វែងរកការងារឥឡូវនេះ អ្នកអាចនឹងធ្វើសកម្មភាពបន្ថែមនេះពីមុនពេលនោះ ។ អ្នកអាចសកម្មភាពនេះដោយខ្លួនឯង ឬជាមួយអ្នកដទៃ ។
បើចង់ទទួលបានជោគជ័យកាន់តែលឿន អ្នកអាចសិក្សា « ត្រូវពន្លឿនការស្វែងរកការងារ » នៅក្នុងវគ្គធនធាន ទំព័រ ១៥--២០ ។ សូមពិភាក្សា ហើយរៀនជាមួយនឹងគ្រួសាររបស់អ្នក សមាជិកក្រុម ឬមិត្តផ្សេងទៀត ។ សូមចេញក្រៅ ហើយធ្វើវា—ស្វែងរកធនធាន បង្កើតទំនាក់ទំនង ហើយរៀបចំការជួបនឹងមនុស្សឲ្យបានច្រើនតាមដែលអ្នកអាចធ្វើបាន ។ ការធ្វើបែបនេះនឹងទំនងជាចំណាយពេលពីរទៅបួនម៉ោងក្នុងមួយថ្ងៃ ។
ការស្វែងរកការងារ គឺជា ការងារ ! ប៉ុន្តែនៅពេលមនុស្សធ្វើតាមគំរូនេះ នោះពួកគេទទួលបានការងារកាន់តែឆាប់រហ័ស ។
បើអ្នកជ្រើសរើសធ្វើសកម្មភាពនេះ សូមត្រឡប់មកវិញ ហើយរាយការណ៍ដល់ក្រុមតាមក្រោយ ។ បទពិសោធន៍របស់អ្នក នឹងជួយសមាជិកក្រុមដទៃទៀត !

តើខ្ញុំអាចចាត់ចែងហិរញ្ញវត្ថុរបស់ខ្ញុំដោយឈ្លាសវៃយ៉ាងដូចម្ដេច ?

អាន ៖ការមានភាពខ្លួនទីពឹងខ្លួន រួមមាន ការចំណាយតិចជាងចំណូល និងការមានប្រាក់សន្សំទុក ។ ការសន្សំប្រាក់ទុក អាចជួយយើងបំពេញនូវការចំណាយដែលពុំរំពឹងទុក ឬជួយយើងផ្គត់ផ្គង់សម្រាប់ខ្លួនយើង និងក្រុមគ្រួសារយើង ពេលប្រាក់ចំណូលរបស់យើងទាបជាងការដែលយើងរំពឹងទុក ។ ជាចំណែកមួយនៃក្រុមនេះ យើងតាំងចិត្តដើម្បីសន្សំទុករាល់សប្ដាហ៍ ទោះជាមួយកាក់ឬពីរកាក់ក្ដី ។

ពិភាក្សា ៖នៅតំបន់ខ្លះ វាជាគំនិតល្អមួយដើម្បីសន្សំប្រាក់នៅក្នុងធនាគារ ។ នៅទីកន្លែងផ្សេងទៀត វាពុំមែនជាគំនិតល្អទេ ដូចជាពេលដែលប្រទេសមានអតិផរណាខ្ពស់ ឬពេលធនាគារពុំមានស្ថេរភាព ។ តើវាជាលក្ខខណ្ឌល្អឬទេដើម្បីសន្សំប្រាក់ក្នុងធនាគារនៅតំបន់របស់អ្នក ? តើធនាគារណាមួយ ដែលផ្ដល់អត្រាការប្រាក់សម្រាប់ការសន្សំខ្ពស់បំផុតនោះ ?

អាន ៖ផ្នែកមួយទៀតនៃការមានភាពខ្លួនទីពឹងខ្លួន គឺការពុំជំពាក់បំណុលផ្ទាល់ខ្លួន ។ ប្រាក់កម្ចីផ្ទាល់ខ្លួន ត្រូវបានប្រើប្រាស់ដើម្បីចំណាយប្រាក់ច្រើនជាងយើងមាន ។ ពួកព្យាការីបានប្រឹក្សាយើងឲ្យចៀសវាងពីបំណុលផ្ទាល់ខ្លួន ហើយពេលយើងក្លាយជាមនុស្សមានភាពខ្លួនទីពឹងខ្លួនកាន់តែខ្លាំង នោះយើងនឹងកាត់បន្ថយ ឬលុបបំបាត់បំណុលផ្ទាល់ខ្លួនបាន ( តែបំណុលអាជីវកម្ម អាចជាការឈ្លាសវៃក្នុងករណីមួយចំនួន ) ។

ជាញឹកញាប់ ការសង្រ្គោះបន្ទាន់ផ្នែកវេជ្ជសាស្រ្តធ្វើឲ្យមានការចំណាយហិរញ្ញវត្ថុដ៏ច្រើន ។ កម្មវិធីធានារ៉ាប់រង និងកម្មវិធីគាំពារសុខភាពរបស់រដ្ឋាភិបាល ជាញឹកញាប់ អាចជួយការពារទប់ទល់នឹងបន្ទុកទាំងនេះបាន ។ សូមចុះឈ្មោះទិញកម្មវិធីធានារ៉ាប់រង ឬកម្មវិធីគាំពារសុខភាពរបស់រដ្ឋាភិបាល អាចជាផ្នែកមួយសំខាន់នៃផ្លូវរបស់យើងដើម្បីមានភាពខ្លួនទីពឹងខ្លួន ។

ពិភាក្សា ៖ការធានារ៉ាប់រងមួយចំនួន ( ដូចជាការធានារ៉ាប់រងខាងសុខភាព និងធានារ៉ាប់រងជីវិត ) គឺ ងាយរកបាន និងមានប្រយោជន៍ជាងប្រភេទធានារ៉ាប់រងដទៃទៀត ។ អ្នកផ្ដល់សេវាធានារ៉ាប់រងមួយចំនួនល្អ តែមួយចំនួនទៀតពុំស្មោះត្រង់ទេ ។ តើមានធានារ៉ាប់រងណាខ្លះដែលល្អបំផុតក្នុងតំបន់អ្នក ?

ហេតុអ្វីព្រះអម្ចាស់ចង់ឲ្យយើងមានភាពខ្លួនទីពឹងខ្លួន ?

ពិភាក្សា ៖ហេតុអ្វីព្រះអម្ចាស់ចង់ឲ្យយើងមានភាពខ្លួនទីពឹងខ្លួន ?

អាន ៖សូមអានសេចក្តីដងស្រង់នៅខាងស្តាំ ។

ពិភាក្សា ៖តើកិច្ចខិតខំរបស់យើងដើម្បីទទួលបានការងារមួយ បម្រើជា « គោលបំណងបរិសុទ្ធ » ដូចដែលអែលឌើរ គ្រីស្ដូហ្វឺសុន បានមានប្រសាសន៍យ៉ាងដូចម្ដេច ?

អាន ៖ព្រះអម្ចាស់ មានព្រះចេស្ដាដើម្បីជួយយើងឲ្យមានភាពខ្លួនទីពឹងខ្លួន ។ ទ្រង់មានបន្ទូលថា « មើលចុះ យើងជាព្រះ ហើយយើងជាព្រះនៃអព្ភូតហេតុទាំងឡាយ » ( នីហ្វៃទី ២ ២៧:២៣) ។ នៅពេលយើងឧទ្ទិសថ្វាយកិច្ចខិតខំរបស់យើង ដើម្បីទទួលបានជោគជ័យក្នុងការងាររបស់យើង ក្នុងគោលបំណងបរិសុទ្ធនៃការក្លាយជាមនុស្សមានភាពខ្លួនទីពឹងខ្លួន នោះព្រះអម្ចាស់នឹងដឹកនាំយើងតាមរយៈការបំផុសគំនិត ។ នៅពេលយើងបង្ហាញពីសេចក្ដីជំនឿរបស់យើងដោយការស្ដាប់ និងការគោរពតាមការបំផុសគំនិតរបស់ទ្រង់ នោះព្រះអម្ចាស់នឹងធ្វើអព្ភូតហេតុទាំងឡាយរបស់ទ្រង់ ហើយសម្រេចកិច្ចខិតខំ របស់ យើងលើសអ្វីដែលយើងធ្វើដោយខ្លួនឯង ។