រៀន

ការស្វែងរកការងាររបស់ខ្ញុំ

មាតិកា
បុព្វកថា
តារាងមាតិកា
១ ៖ តើខ្ញុំអាចស្វែងរកឱកាសការងារត្រឹមត្រូវយ៉ាងដូចម្ដេច ?
២ ៖ តើខ្ញុំបង្ហាញពីខ្លួនខ្ញុំដោយអានុភាពបញ្ចុះបញ្ចូលយ៉ាងដូចម្ដេច ?
៣ ៖ តើខ្ញុំអាចចូលដឹងពីទីផ្សារការងារ « លាក់កំបាំង » យ៉ាងដូចម្ដេច ?
៤ ៖តើខ្ញុំអាចក្លាយទៅជាបេក្ខជនមានលក្ខណៈសម្បត្តិល្អជាងគេយ៉ាងដូចម្តេច ?
៥ ៖ តើខ្ញុំអាចពន្លឿនការស្វែងរកការងាររបស់ខ្ញុំយ៉ាងដូចម្ដេច ?
៦ ៖ តើខ្ញុំអាចពូកែធ្វើការងារ ហើយបន្ដមានភាពជោគជ័យយ៉ាងដូចម្ដេច ?
៧ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
៨ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
៩ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
១០ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
១១ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
១២ ៖ តើឧបសគ្គការងារដ៏ធំបំផុតរបស់ខ្ញុំក្នុងពេលឥឡូវនេះគឺជាអ្វី ?
ផែនទីស្វែងរកការងារជោគជ័យ

រៀន

តើខ្ញុំមានភាពវិសេសវិសាលនៅកន្លែងធ្វើការដោយរបៀបណា ?

ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។

អាន ៖បន្ទាប់ពីយើងមានការងារល្អមួយ យើងត្រូវរក្សាការងារនោះ ហើយធ្វើវាឲ្យបានប្រសើរឡើង ។ យើងត្រូវធ្វើជានិយោជិតដ៏ល្អបំផុតតាមដែលយើងអាចធ្វើបាន ។

អាន ៖ សំណួរប្រចាំសប្តាហ៍---តើខ្ញុំអាចពូកែធ្វើការងារ ហើយបន្ដមានភាពជោគជ័យយ៉ាងដូចម្ដេច ?

សំណួរប្រចាំសប្តាហ៍ --- ខ្ញុំនឹង ( ១ ) ខិតខំធ្វើការ ( ២ ) បង្ហាញឲ្យឃើញពីគុណតម្លៃរបស់ខ្ញុំដល់និយោជក និង ( ៣ ) ដាក់ផែនការអាជីពរបស់ខ្ញុំ ។

មើល ៖« នោះមិនមែនជាបញ្ហាខ្ញុំទេ » ( គ្មានវីដេអូ ឬ ? សូមអាន ទំព័រ ១០៨ ) ។

ពិភាក្សា ៖តើហេតុអ្វីបានជាយ៉ូសែប ដែលជាថៅកែបានសុំឲ្យគ្លូរៀរ និងអេនតូនីដោះស្រាយបញ្ហារបស់ពួកគេផ្ទាល់ ?

មើល ៖« នោះ ជា ជាបញ្ហាខ្ញុំ » ( គ្មានវីដេអូ ឬ ? សូមអាន ទំព័រ ១០៩ ) ។

ពិភាក្សា ៖តាមរយៈការមានទំនួលខុសត្រូវ នោះគ្លូរៀរ និងអេនតូនី បានក្លាយជាមនុស្សមានគោលតម្លៃចំពោះនិយោជករបស់ពួកគេ ។ ហេតុអ្វី ?

អាន ៖យើងនឹងធ្វើការបានល្អ តាមរយៈការបន្តប្រើប្រាស់ឧបករណ៍ទាំងអស់ដែលយើងទទួលបាននៅក្នុងការស្វែងរកការងាររបស់ខ្ញុំ ៖

ការបង្កើតមនុស្សដែលត្រូវទាក់ទង និងការបង្កើតបណ្តាញការងារ ។
ការទំនាក់ទំនងយ៉ាងច្បាស់ជាមួយនឹងអ្នកដទៃ និងការបង្ហាញឥរិយាបទ និងរូបសម្បត្តិល្អ ។
ការខិតខំធ្វើការ និងការបង្ហាញគោលតម្លៃរបស់យើងចំពោះនិយោជក ។

តើខ្ញុំធ្វើជាមនុស្សមានទំនួលខុសត្រូវជួយដល់និយោជកខ្ញុំទទួលបានជោគជ័យយ៉ាងដូម្តេច ?

អាន ៖និយោជកមួយចំនួនឲ្យគោលតម្លៃនិយោជិតខ្លះជានិយោជកខ្លះទៀត ។ និយោជិតដែលមានតម្លៃនាំលុយចូលក្រុមហ៊ុន ឬនាំឲ្យមានសមត្ថផលដល់ក្រុមហ៊ុនជាជាងការបង្កបញ្ហាដល់ក្រុមហ៊ុន ។

ពិភាក្សា ៖តើវាជួយអ្នក យ៉ាងដូម្តេចនៅពេលអ្នកជួយនិយោជកនោះ ?

អនុវត្ត ៖សូមគិតអំពីនិយោជិតទាំងបីនាក់នេះ ប្រសិនបើអ្នកជា យ៉ូសែប ជាម្ចាស់ក្រុមហ៊ុននោះ ។ និយោជិតរបស់ អ្នកម្នាក់ៗឲ្យអ្នកចំណាយលុយមួយចំនួនសម្រាប់ប្រាក់ខែ ឧបករណ៍ និងអ្វីៗជាច្រើនទៀត ។ និយោជិតម្នាក់ៗធ្វើឲ្យលុយកើន តាមរយៈការផលលិតផលលិតផល ការលក់ ឬ សេវាកម្មអតិថិជន ។

សូមបង្វែរកៅអ៊ីរបស់អ្នកដើម្បីនិយាយជាមួយនឹងបុគ្គលដែលអង្គុយជិតអ្នក ។ សូមឆ្លើយសំណួរទាំងនេះជាមួយគ្នា ៖

តើនិយោជិតម្នាក់ណាដែលមានគោលតម្លៃបំផុត ?
តើនិយោជិតម្នាក់ណាដែលមិនសូវមានគោលតម្លៃ ?
ប្រសិនបើអ្នកមានប្រាក់បំណាច់ឆ្នាំ ២០០០ ដើម្បី ឲ្យនរណាម្នាក់ តើនិយោជិតមួយណាដែលអ្នកនឹងឲ្យ ?
ប្រសិនបើនិយោជិតដែលពុំសូវមានគោលតម្លៃរបស់អ្នកមិនរីកចម្រើនទៅមុខទេ តើអ្នកនឹងបញ្ឈប់និយោជិតរូបនោះឬទេ ?
ប្រសិនបើក្រុមហ៊ុនផ្សេងទៀតបានព្យាយមដើម្បីជួលនិយោជិតដ៏ល្អបំផុតរបស់អ្នក ហើយយកនាងចេញពីអ្នក តើអ្នកនឹងតម្លើងប្រាក់ខែឲ្យនាងដើម្បីរក្សានាងទុកឬទេ ?

សូមពិភាក្សាអំពីចម្លើយអ្នកជាមួយក្រុមទាំងមូល ។

ពិភាក្សា ៖សូមពិភាក្សាអំពីរបៀបដែលអ្នកអាចក្លាយជានិយោជិតកាន់តែមានគោលតម្លៃជាក្រុម ។

អនុវត្ត ៖សូមបង្វែរកៅអ៊ីរបស់អ្នកដើម្បីនិយាយជាមួយនឹងបុគ្គលដែលអង្គុយជិតអ្នក ។ សូមជជែកអំពីសំណួរនីមួយៗហើយសូមសរសេរគំនិតរបស់អ្នក ។

សម្រាប់ការងារបច្ចុប្បន្នរបស់អ្នក ឬសម្រាប់ការងារដែលអ្នកកំពុងស្វែងរក តើអ្នកនឹង ៖

រកអតិថិជនថ្មីមកក្រុមហ៊ុនឬទេ ?
ធ្វើឲ្យអតិថិជនបច្ចុប្បន្នកាន់តែរីករាយ និងកាន់តែស្មោះត្រង់ ?
ធ្វើឲ្យអតិថិជនបច្ចុប្បន្នទិញទំនិញបន្ថែមទៀត ?
បង្កើនផលលិតផល និងតម្លៃ ?
ជួយឲ្យអតិថិជនបង់ប្រាក់បានលឿន ឬបង់ប្រាក់មុនថ្លៃកំណត់ ?
ជួយក្រុមហ៊ុនបង្កើនប្រាក់ចំណូលតាមរបៀបផ្សេងៗ ?

តើខ្ញុំទទួលខុសត្រូវដើម្បីជួយនិយោជករបស់ខ្ញុំកាត់បន្ថយចំណាយយ៉ាងដូម្តេច ?

អាន ៖ក្នុងនាមជានិយោជិតដែលមានគោលតម្លៃ យើងក៏នឹងស្វែងរកវិធីសាស្រ្តផ្សេងៗដើម្បីកាត់បន្ថយចំណាយដែរ ។

ពិភាក្សា ៖តើអ្នកអាចកាត់បន្ថយចំណាយយ៉ាងដូម្តេច ?

អាន ៖នៅក្នុងវីដេអូទីពីរ អេនតូនីមានគំនិតល្អ ៖ធ្វើកាលវិភាគថែទាំគ្រឿងម៉ាស៊ីន ។ គាត់បានកំពុងរៀនដើម្បីសន្សំលុយរបស់ឲ្យនិយោជក ។ តារាងនេះបង្ហាញនូវភាពខុសគ្នា ។ គំនិតរបស់អេនតូនីនឹងជួយសន្សំលុយឲ្យនិយោជកគាត់បានយ៉ាងច្រើន —១៤៥០០ នៅក្នុងរយៈពេលប្រាំឆ្នាំ ! នៅពេលអេនតូនី បង្ហាញតារាងនេះទៅកាន់ថៅកែរបស់គាត់ នោះនិយោជកនឹងមើលឃើញពីតម្លៃរបស់អេនតូនីយ៉ាងច្បាស់ ។

	ចំណាយដែលពុំមានកាលវិភាគថែទាំ		ចំណាយដែលមានកាលវិភាគថែទាំ
	ទំហែទំាំ	ជំនួស	ផ្នែកទំហែទាំ	ទំហែទំាំ	ជំនួស
ឆ្នាំទី ១	២០០០		១០០	០	០
ឆ្នាំ ទី ២	២០០០		១០០	៥០០	០
ឆ្នាំ ទី ៣		១០០០០	១០០	០	០
ឆ្នាំ ទី ៤			១០០	៥០០	០
ឆ្នាំ ទី ៥	២០០០		១០០	០	០
ថ្លៃចំណាយសរុប	១៦០០០		១៥០០

អនុវត្ត ៖សូមបង្វែរកៅអ៊ីរបស់អ្នកដើម្បីនិយាយជាមួយនឹងបុគ្គលដែលអង្គុយជិតអ្នក ។ ប្តូរវេនគ្នា ។ សូមមើលថា តើអ្នកអាចរកឃើញចម្លើយបានប៉ុន្មាន !

សូមពិពណ៌នាប្រាប់គ្នាទៅវិញទៅ មកពីការងាររបស់អ្នក ឬការងារដែលអ្នកកំពុងស្វែងរក ។
សម្រាប់ការងាររបស់អ្នកនីមួយៗ សូមស្វែងរកគំនិតទាំងឡាយដែលអ្នកអាចអំពីរបៀបដែល ៖
- ចំណេញពេលវេលា
- កែលម្អដំណើរការមួយ ។
- យកចិត្តទុកដាក់ល្អប្រសើរចំពោះគ្រឿងម៉ាស៊ីន ឬផលិតផល
- កាត់បន្ថយកំហុស
សូមសរសេរគំនិតល្អៗហើយព្យាយាមធ្វើឲ្យវាអាចកើតឡើងបាននៅកន្លែងដែលអ្នក ធ្វើការពីមុន ឬការប្រជុំលើកក្រោយ ។ បើអ្នកពុំទាន់មានការងារទេ សូមពិចារណាវិធីសាស្រ្តទាំងឡាយដែលអ្នកអាចរៀបចំខ្លួនអ្នកដើម្បីអនុវត្តគំនិតរបស់អ្នក នៅពេលអ្នកមានការងារធ្វើ ។

តើខ្ញុំមានទំនួលខុសត្រូវសម្រាប់អាជីពរបស់ខ្ញុំយ៉ាងដូចម្តេច ?

អាន ៖សូមអានបទគម្ពីរនៅខាងស្តាំដៃជាមួយគ្នា ។

ពិភាក្សា ៖តើការងារបច្ចុប្បន្នរបស់អ្នក ( ឬការងារដែលអ្នកកំពុងស្វែងរក ) ជួយអ្នកក្លាយជាមនុស្សមានភាពខ្លួនទីពឹងខ្លួន ដែរឬទេ ? តើអ្នកជឿថា ព្រះអម្ចាស់នឹងជួយអ្នករៀបចំដើម្បីទទួលបានការងារដ៏ប្រសើរឬទេ ? តើទ្រង់ធ្វើបែបនោះដោយរបៀបណា ?

មើល ៖« ទ្រង់កំពុងសាងសង់ព្រះរាជវាំង ( ពុំមានវីដេអូឬ ? សូមអាន ទំព័រ ១១០ ) ។

ពិភាក្សា ៖តើយើងអាចរៀនអ្វីខ្លះចេញមកពីវីដេអូនេះ ? តើអ្នកមានអារម្មណ៍យ៉ាងណាដែរ ?

អនុវត្ត ៖សូមផ្លាស់ទីកៅអីរបស់អ្នក ដើម្បីនិយាយជាមួយអ្នកផ្សេងទៀតនៅក្នុងក្រុម ។

សូមពិពណ៌នាប្រាប់គ្នាទៅវិញទៅ មកពីការងារបច្ចុប្បន្នរបស់អ្នក ឬការងារដែលអ្នកកំពុងស្វែងរក ។
សូមពិពណ៌នាការងារដែលអ្នកចង់បាននៅ ក្នុងរយៈពេលពីពីរទៅបួនឆ្នាំ ។ តើវាជាការងារដដែល ឬការងារផ្សេងទៀត ?
សូមពិភាក្សាថាតើវាយ៉ាងម៉េចដែរបើមានលុយគ្រប់គ្រាន់ដើម្បីធ្វើដំណើរទៅព្រះវិហារបរិសុទ្ធ បម្រើបេសកកម្ម ឬជួយអ្នកដទៃនោះ ។
សូមសរសេរ នូវអ្វីដែលអ្នកបានពិភាក្សានៅក្នុងប្រអប់ទាំងនេះ ។

តើអ្នកនៅចំណុចណាឥឡូវនេះ	តើអ្នកចង់ក្លាយទៅជាអ្វី

សកម្មភាពមានជម្រើស ៖ របៀបដើម្បីស្វែងរកអ្នកឲ្យដំបូន្មានដើម្បីជួយខ្ញុំឲ្យទទួលបានជោគជ័យ
( សូមកុំធ្វើសកម្មភាពនេះអំឡុងពេលធ្វើការប្រជុំឡើយ ) ។
បើអ្នកជ្រើសរើស អ្នកអាចធ្វើសកម្មភាពនេះ ពីមុនការប្រជុំរបស់យើង ៖
អ្នកឲ្យដំបូន្មាន អាចជួយអ្នកស្គាល់នូវវិន័យដែលមិនបានចែង និងការរំពឹងទុកនៅកន្លែងធ្វើការ ។ សូមសិក្សា ទំព័រ ១១១ ) ។

តើឧបករណ៍ណាដែលខ្ញុំត្រូវការដើម្បីត្រូវនឹងតម្រូវការខ្ញុំ ?

អាន ៖ឥឡូវនេះ ដោយសារតែយើងមានគំនិតអំពីកន្លែងដែលយើងចង់ទៅ តើយើងទៅដល់ទីនោះរបៀបណា ? សូមអានបទគម្ពីរនៅខាងស្តាំដៃ ។

ពិភាក្សា ៖តើព្រះគ្រីស្ទអាចប្រសិទ្ធពរជ័យដល់សាច់ឈាមរបស់អ្នកឬទេ ? តើការប្រសិទ្ធិពរជ័យនេះរួមទាំងការជួយអ្នកឲ្យរកបានការងារ រក្សាការងារ ហើយប៉ិនប្រសពនៅក្នុងការងារអ្នកដែរឬទេ ?

អាន ៖ព្រះអម្ចាស់ នឹងប្រទានដល់យើងនូវបទពិសោធន៍នៅកន្លែងធ្វើការដើម្បីជួយយើងមានជំនាញ និងចំណេះវិជ្ជា ។ ទ្រង់ក៏រំពឹងយើងឲ្យទទួលបានចំណេះវិជ្ជាតាមរយៈការសិក្សា និងការរៀបចំ ។ មានការងារជាច្រើនមានតែសម្រាប់អ្នកដែលមានបរិញ្ញាបត្រ ឬសញ្ញាបត្របញ្ជាក់ពិសេសប៉ុណ្ណោះ ។ ការអប់រំអនុញ្ញាតឲ្យយើងប៉ិនប្រសប់ក្នុងការងារ និងក្លាយ ជានិយោជិតមានគោលតម្លៃចំពោះនិយោជក ។

អនុវត្ត ៖សូមសរសេរជំនាញ និងចំណេះវិជ្ជាទាំងឡាយដែលអ្នកត្រូវការដើម្បីធ្វើការនាអនាគតរបស់អ្នក ។ សូមសរសេរនូវវិធីសាស្រ្តទាំងឡាយដើម្បីទទួលបានអ្វីៗទាំងនេះ ។ តើជំហានបន្ទាប់របស់អ្នកនៅ លើមាគ៌ារបស់អ្នកគឺជាអ្វី ? ( មានឧទាហរណ៍ផ្តល់ឲ្យ ) ។

តំណែងអ្នកចង់បាន

ជំនាញ និងចំណេះវិជ្ជាដែលអ្នកត្រូវការ

វិធីសាស្រ្តដែលអ្នកអាចទទួលបានជំនាញ និងចំណេះវិជ្ជា

ជំហានបន្ទាប់

អ្នកគ្រប់គ្រងផ្នែកសំណង់

ជំនាញផ្នែកវិស្វករ

ជំនាញផ្នែកដាក់ផែនការ

ជំនាញផ្នែកដោះស្រាយបញ្ហា

ជំនាញខាងទំនាក់ទំនង

ថ្នាក់រៀនបណ្តុះបណ្តាល ឬសាលាបច្ចេកទេស ឬបរិញ្ញាបត្រពីមហាវិទ្យាល័យ

ទៅរៀន « ការអប់រំដើម្បីទទួលបានការងារល្អប្រសើរ » ក្រុមខ្លួនទីពឹងខ្លួន ត្រូវដាក់ផែនការសម្រាប់ជំហានបន្ទាប់ ។