Parte sa Daan nga Katipan

Ang mga promisa sang Amay nga Langitnon sa Iya mga anak sang una nga panahon

ilustrasyon sang kabuhi-antes-sa-duta

Ang una nga bahin sang Balaan nga Biblia amo ang Daan nga Katipan. Ining balaan nga mga kasulatan ginsulat sang una nga panahon, antes pa matawo si Jesucristo. May mga istorya ini nga nagabulig sa aton nga makaangkon sang pagtuo sa Iya. Ginatudloan kita sini nga ang tagsa ka tawo sa duta kabahin sang pamilya sang Amay nga Langitnon kag palangga Niya ang Iya mga anak.

Deuteronomio 7:7–9; Isaias 45:10–12

si Adan kag Eva sa Hardin

Sa Daan nga Katipan, si Jesucristo ginatawag nga Jehova kag Ginuo. Ginasunod niya ang mga instruksyon sang Amay nga Langitnon. Halin sang panahon nanday Adan kag Eva, ang Amay nga Langitnon nagpadala kay Ginuong Jesucristo para makighambal sa Iya mga propeta. Ginapadala sang Amay nga Langitnon ang Balaan nga Espiritu para buligan kita nga mahibal-an nga ang mga pulong sang propeta matuod.

Exodo 6:2–3; 2 Mga Cronica 20:20; Amos 3:7; 2 Pedro 1:21; Moises 2:1

kaliwatan ni Adan

Ang Ginuo nagpromisa kay propeta Abraham kag sa iya asawa nga si Sara nga ang ila panimalay magadako kag magapakamaayo sa bilog nga kalibutan. Ang ila apo nga si Jacob may dako nga pamilya nga nangin isa ka nasyon. Gintawag sila nga panimalay sang Israel, ukon mga Israelnon. Gintudloan sila sang mga propeta nga paabuton ang tion sang pag-abot ni Jesucristo.

Genesis 15:5–6; 17:1–8; Deuteronomio 18:15; Isaias 7:14

mga tawo nga nagatulok sa balangaw

Madamo nga mga sugilanon sa Daan nga Katipan ang nagapakita kon paano gintuman sang Ginuo ang Iya promisa sa mga Israelnon.

Genesis 9:13–17; Jeremias 11:4–5; Mga Hebreo 11:1–35

si Moises nga ginapakita ang baston sa mga tawo

Kon nagapamati ang mga Israelnon sa mga propeta kag nagatuman sang mga kasuguan, ginabuligan sila sang Ginuo. Kon wala sila nagatuman, indi Niya sila mabuligan.

Deuteronomio 11:26–28; Job 36:11–12

kabataan nga nagabasa sang balaan nga mga kasulatan

Kabahin kamo sang pamilya sang Amay nga Langitnon. Ang Amay nga Langitnon mabuot, kag palangga Niya kamo. May plano Sia para sa inyo. Bangud kay Ginuong Jesucristo, mahimo kamo nga makabalik sa pagpuyo liwat upod sa Amay nga Langitnon. Pareho sa gintudlo sa mga Israelnon, pwede ninyo pilion nga magtuo sa Ginuo kag magtuman sang Iya mga kasuguan.

Exodo 15:2; Deuteronomio 4:31; 5:10; Moises 1:39