“Si Moises nga Propeta,” Mga Sugilanon sa Daan nga Katipan (2022)
“Si Moises nga Propeta,” Mga Sugilanon sa Daan nga Katipan
Exodo 2–3
Si Moises nga Propeta
Gintawag para hilwayon ang katawhan sang Ginuo
Si Moises nagdako bilang bata sang anak nga babayi sang Faraon. Nakita ni Moises nga mapintas ang mga Egiptohanon sa mga Israelnon. Nasuboan sia nga ginhimo sang mga Egiptohanon ang mga Israelnon nga ila mga ulipon.
Isa ka adlaw nakita ni Moises ang isa ka Egiptohanon nga ginasakit ang isa ka Israelnon. Para apinan ang Israelnon, ginpatay ni Moises ang Egiptohanon.
Sang matukiban ini ni Faraon, gusto niya nga patyon si Moises, pero nalagyo si Moises palayo sa Egipto.
Nakalab-ot si Moises sa lugar nga gintawag Midian, sa diin nakilala niya ang babayi nga ang ngalan Zipora. Nagpakasal sila kag nakaangkon sang mga anak.
Samtang nagaistar sa Midian, nakakita si Moises sang sapinit nga nagakalayo, pero wala masunog sang kalayo ang sapinit. Nagpakita ang Ginuo sa kalayo kag nakighambal kay Moises.
Nagsiling ang Ginuo kay Moises nga nagaantos ang mga Israelnon sa Egipto. Ginsugo Niya si Moises nga magbalik sa Egipto kag hambalon si Faraon nga buy-an ang mga Israelnon. Nagsiling ang Ginuo nga Iya buligan si Moises nga hilwayon ang mga Israelnon kag dalhon sila sa duta nga ginpangako.