Mga Hukom 4–5

Si Debora ang Babaying Propeta

Isa ka lider nga nagbulig sa Israel nga magsalig sa Ginuo

si Debora ang babaying propeta

Si Debora isa ka babayi nga propeta, isa ka matinuohon nga lider sang Israel nga inspirado sang Ginuo. Ang iya katawhan nag-untat na sa pagtuman sang mga kasuguan sang Ginuo, kag ang mga taga-Canaan naggahum sa ila. Pagligad sang baynte ka tuig, nagsugod nga magpangamuyo ang mga Israelnon para sa bulig sang Ginuo.

Mga Hukom 4:1–5

si Debora nga nagapangamuyo

Ginpamatian sang Ginuo ang ila mga pangamuyo. Ginhambalan Niya si Debora nga magtipon sang Israelnon nga mga soldado para makig-away sa mga taga-Canaan.

Mga Hukom 4:6

si Debora nga nagapakighambal sa mga soldado

Ang mga taga-Canaan may madamo nga mga soldado kag karwahe. Amo ini nga ginhadlokan ang kasoldaduhan sang Israel, magluwas kay Debora. Nakahibalo sia nga buligan sila sang Ginuo.

Mga Hukom 4:3, 7

Si Barak nga ginahagad si Debora nga mag-upod

Si Barak amo ang lider sang kasoldaduhan sang Israel. Indi sia gusto nga makig-away. Pero ginpamensar niya nga kon mag-upod si Debora sa kasoldaduhan, protektahan sila sang Ginuo. Nagsugot si Debora nga mag-upod. Ginpropesiya niya nga isa ka babayi ang magapierde kay Sisera, ang lider sang kasoldaduhan sang Canaan.

Mga Hukom 4:8–9

si Debora kag ang kasoldaduhan sa ibabaw sang bukid

Nagtipon ang kasoldaduhan sang Israel sa bukid, kag ang mga taga-Canaan sa ubos sang bukid. Ginsilingan ni Debora si Barak nga magpanaog sa bukid. Ginpangako niya nga mangin kaupod nila ang Ginuo.

Mga Hukom 4:12–14

mga karwahe nga ginpang-anod sa bagyo

Nagpadala ang Ginuo sang ulan, kag ang mga karwahe sang taga-Canaan ginpang-anod sa baha. Madamo sa mga taga-Canaan ang nagkalalumos sa suba, pero nakapalagyo si Sisera.

Mga Hukom 4:15, 17; 5:4–5, 19–22

si Jael nga ginaagda si Sisera pasulod sa tolda

Isa ka babayi nga gintawag Jael ang nagaestar sa isa ka tolda sa unhan. Nakita niya si Sisera nga nagapalagyo kag ginhambalan sia nga magpanago sa iya tolda. Nahibal-an ni Jael nga isa sia ka lider sang kasoldaduhan sang Canaan kag ginpatay niya sia para indi na sia makahalit sang madamo pa nga mga tawo.

Mga Hukom 4:15–21

si Debora nga nagatulok sa matawhay nga banwa

Nagmatuod ang propesiya ni Debora. Napierde si Sisera sang isa ka mabaganihan nga babayi. Nagkanta si Debora sang isa ka ambahanon para buligan ang mga Israelnon nga madumduman kon paano sila ginluwas sang Ginuo. Gintuman sang mga Israelnon ang mga kasuguan kag nagpangabuhi sa kalinong sing 40 ka tuig.

Mga Hukom 5:1, 24–27, 31