“Si Enoc nga Propeta,” Mga Sugilanon sa Daan nga Katipan (2022)
“Si Enoc nga Propeta,” Mga Sugilanon sa Daan nga Katipan
Genesis 5; Moises 6–7
Si Enoc nga Propeta
Paano naluwas sang pagtuo sa Ginuo ang isa ka banwa
Ang Ginuong Jesucristo nagpangabay kay Enoc nga hambalon ang mga tawo nga maghinulsol. Pero ginahunahuna ni Enoc nga indi sia makahambal sing maayo. Nahadlok sia nga indi sia pagpamatian sang mga tawo.
Nagpromisa ang Ginuo nga pabakuron kag protektahan si Enoc bisan pa nga ang iban nga tawo wala nanamian sang ginatudlo ni Enoc.
Ang promisa sang Ginuo naghatag sang kaisog kay Enoc. Gintuman ni Enoc ang Ginuo kag gintudloan ang mga tawo sing may gahum. Nagtudlo sia parte kay Jesucristo, paghinulsol, bunyag, kag sang Balaan nga Espiritu. Ang iban sang mga tawo nagpati kay Enoc kag gusto nga magsunod sa Ginuo.
Si Enoc may awtoridad halin sa Dios para magbunyag. Ang tanan nga tawo nga nagpati kay Enoc ginbunyagan kag mas naglapit pa gid sa Ginuo. Wala sing imol tungod ginaatipan nila ang isa kag isa. Gintawag sila nga Sion tungod nagpangabuhi sila sa paghigugma kag pagkamatarong.
Isa ka adlaw ginpakita sang Ginuo kay Enoc ang isa ka panan-awon sang tanan nga matabo sa kalibutan. Nakita ni Enoc ang kabuhi, kamatayon, kag Pagkabanhaw ni Jesucristo. Natun-an ni Enoc nga sa ulihing mga adlaw igabalik ang ebanghelyo. Nakita man niya ang Ika-duha nga Pagkari ni Jesus.
Sang ulihi, ang tanan nga tawo sa banwa sang Sion nagpati kay Enoc kag naghinulsol. Tungod gin-atipan nila ang isa kag isa kag nagpuyo sa paghidaet, gindala sila sang Ginuo para magpuyo upod sa Iya.