1 Samuel 1–2

Si Ana

Ang sabat sang Ginuo sa isa ka matinuohon nga babayi

Kada tuig, si Ana kag ang iya bana nagapanglakaton pakadto sa balay sang Ginuo, ang templo. Wala sing kabataan si Ana, gani nasuboan gid sia kaayo. Nagpuasa sia kag nagpangamuyo para sa anak nga lalaki. Ginpangako ni Ana sa Ginuo nga kon makabata sia sing lalaki, ang iya anak magadako para mag-alagad sa Iya.

1 Samuel 1:1–11

Isa ka pari nga ang ngalan Eli ang nakakita kay Ana nga nagahibi. Ginhambalan niya sia nga pagasabton sang Ginuo ang iya pangamuyo. Nagsalig si Ana sa Ginuo kag nag-angkon sing paglaum.

1 Samuel 1:12, 17–18

Sina nga tuig, nagbata si Ana sang lalaki. Gin-ngalanan niya sia nga Samuel.

1 Samuel 1:20–23

Gintuman ni Ana ang iya pangako sa Ginuo. Sang nagdako na si Samuel, gindala niya sia para mag-alagad sa balay sang Ginuo. Nag-alagad sia upod kay Eli, ang pari. Padayon nga ginbisitahan ni Ana si Samuel. Gindalhan niya sia sang mga bayo nga iya ginhimo para sa iya. Ginbugayan sang Ginuo si Ana sang lima pa ka kabataan.

1 Samuel 1:24–28; 2:21