Josue 2; 6

Si Rahab kag ang mga Espiya

Pagpili nga nagasalbar sang isa ka pamilya

mga tawo sa siyudad nga nagatulok sa malayo

Isa ka babayi nga ang ngalan Rahab ang nagapuyo sa Jerico antes ini ginsakop sang mga Israelnon. Nabatian niya nga gintunga sang Ginuo ang Dagat nga Pula para sa mga Israelnon. Nahibal-an ni Rahab nga buligan sang Ginuo ang mga Israelnon nga makig-away batok sa iya siyudad. Malain ang mga tawo sa Jerico.

Josue 2:9–11

mga espiya nga nagapanago sa mga gwardya

Si propeta Josue ang nagpanguna sa kasoldaduhan sang Israel. Nagpadala sia sang duha ka mga espiya sa Jerico. Pero nakit-an ang mga espiya, kag ang hari sang Jerico nagpadala sang mga gwardya para dakpon sila.

Josue 2:1–3

si Rahab nga nagapakighambal sa mga espiya

Nag-abot ang mga espiya sa balay ni Rahab. Nagsugot si Rahab nga buligan ang mga espiya, gani gintago niya sila sa iya atop.

Josue 2:4–6

si Rahab nga ginatago ang mga espiya

Gin-usisa sang mga tinawo sang hari ang balay ni Rahab pero indi nila makita ang mga espiya. Paghalin nila, ginpangabay ni Rahab ang mga espiya nga protektahan ang iya pamilya kon mag-abot ang ila kasoldaduhan para makig-away sa Jerico. Nagpromisa ang mga espiya kay Rahab nga mangin hilway ang iya pamilya sa katalagman. Dayon nagtunton si Rahab sang lubid sa gwa sang iya bintana agud gamiton sang mga espiya nga makapalagyo.

Josue 2:3, 12–15

si Rahab kag ang iya pamilya nga nagapalagyo halin sa Jerico

Nagbalik ang mga espiya sa propeta nga si Josue kag ginhambalan ang kasoldaduhan sang Israel nga indi paghalitan ang bisan sin-o sa panimalay ni Rahab. Sang ulihi, sang makig-away ang mga Israelnon sa Jerico, gintuman nila ang ila promisa kay Rahab. Ang kaisog ni Rahab nagsalbar sang iya pamilya. Nag-upod ang iya pamilya sa katawhan sang Ginuo.

Josue 2:23; 6:25; Mga Hebreo 11:31