2 Mga Hari 2: 4

Si Eliseo nga Propeta

Mga milagro sang Ginuo

si Elias nga nagasugilanon kay Eliseo

Paagi kay propetang Elias, ginhanda sang Ginuo si Eliseo nga mangin madason nga propeta. Dayon ginkuha sang Ginuo si Elias pa-langit.

2 Mga Hari 2:1–15

babayi nga nagabubo sang lana

Ginbuligan sang Ginuo si Eliseo sa paghimo sang madamo nga milagro. Isa ka bes, ginbendisyunan ni Eliseo ang lana sang imol nga babayi para pun-on ang madamo nga banga. Dayon ginbaligya sang babayi ang lana para ibayad sa iya mga utang.

2 Mga Hari 4:1–7

si Eliseo nga nagasugilanon sa isa ka pamilya

Sa isa pa ka tion, isa ka matinuohon nga babayi ang nag-alagad kay Eliseo kag nangin maayo kaayo sa iya. Namangkot si Eliseo sa iya kon ano ang pwede niya himuon para maalagaran sia. Naghandum sia sang isa ka anak. Ginbendisyunan sia ni Eliseo kag ang iya bana para makabata sang lalaki.

2 Mga Hari 4:8–17

pamilya nga nagaselebrar

Pero pagligad sang pila ka tuig, nagmasakit ang bata nga lalaki kag napatay. Ginpangita sang babayi si Eliseo tungod may pagtuo sia nga maluwas niya ang iya bata. Nagkadto si Eliseo kag ginbendisyunan ang anak, kag nabuhi sia liwat. Ginbuligan sang Ginuo si Eliseo nga makahimo sang madamo nga milagro. Nangin isa sia ka dako nga propeta sang Ginuo.

2 Mga Hari 4:18–37