Daniel 1; 3

Si Sadrac, Mesac, kag Abednego

Isa ka delikado nga pagtilaw sang pagtuo

Si Haring Nabucodonosor kag ang estatwa nga bulawan

Si Haring Nabucodonosor nagpatindog sang higante, bulawan nga estatwa kag ginpilit ang iya katawhan nga simbahon ini. Kon mamalibad sila, ibutang sila sa hurno sang kalayo.

Daniel 1:6–7; 3:1–6

Sanday Sadrac, Mesac, kag Abednego

Palangga sang mga abyan ni Daniel nga sanday Sadrac, Mesac, kag Abednego ang Dios kag indi sila magsimba sa dios-dios sang hari. Naakig kaayo ang hari sa ila.

Daniel 3:6–15

Si Sadrac, Mesac, kag Abednego nga nagasugilanon sa hari

Nagsiling ang tatlo ka mag-abyan sa hari nga ang Dios gid lamang ang ila simbahon. Nagpati sila nga protektahan sila sang Dios. Pero bisan kon indi Niya sila pagluwason, ila tindugan ang ila ginapatihan.

Daniel 3:15–18

tatlo ka lalaki kag ang anghel sa kalayo

Nangakig kaayo ang hari sa ila ni Sadrac, Mesac, kag Abednego. Ginpahaboy niya sila sa hurno sang kalayo. Pero sang magtulok ang hari sa hurno, nakibot sia nga makita ang isa ka langitnon nga tinuga sa kalayo upod ang tatlo ka lalaki. Wala sila maano sa kalayo.

Daniel 3:19–25

ang tatlo ka lalaki naggwa sa kalayo

Gintawag sang hari sanday Sadrac, Mesac, kag Abednego, kag naggwa sila sa hurno. Wala sila maano sang kalayo ukon bisan man lang masunog ang ila mga bayo.

Daniel 3:26–27

Si Sadrac, Mesac, kag Abednego nga nagasugilanon sa hari

Si Sadrac, Mesac, kag Abednego nagtuman sang mga kasugoan sang Dios, bisan pa sang nabutang sa katalagman ang ila mga kabuhi. Ang ila mga ehemplo nakabulig sa hari nga magpati sa Dios.

Daniel 3:28–29