“Si Job,” Mga Sugilanon sa Daan nga Katipan (2022)
“Si Job,” Mga Sugilanon sa Daan nga Katipan
Job 1–3; 19; 38–42
Si Job
Pagsalig sa paghigugma sang Ginuo
Si Job isa ka maayo nga tawo nga nagapalangga sa Ginuo kag nagatuman sang Iya mga kasuguan. Sia kag ang iya asawa may 10 ka kabataan, kag madamo sia sang mga panong sang kasapatan kag may dako nga manggad.
Gintugotan sang Ginuo nga matilawan ang pagtuo ni Job. Naagyan ni Job ang mabudlay nga mga butang.
Isa ka adlaw madamo sa kasapatan ni Job ang ginpangawat. Sang ulihi nasunog ang tanan nga propiyedad ni Job kag napatay ang tanan niya nga mga suluguon kag iban pa nga kasapatan. Dayon isa ka bagyo ang naguba sang balay ni Job. Ang iya mga kabataan ara sa sulod, kag nagkalamatay sila tanan. Si Job kag ang iya asawa nawad-an sang tanan-tanan magluwas lang gid sang ila maayo nga panglawas.
Si Job kag iya asawa nagpangasubo. Nadula sa ila ang tanan, pati na ang ila mga kabataan. Pero si Job may pagtuo sa gihapon sa Ginuo. Wala niya ginbasol ang Ginuo sa natabo.
Dayon nagmasakit sing grabe si Job. Napuno ang iya lawas sang mahapdi nga mga hubag. Natingala si Job kag ang iya asawa kon ngaa nagakatabo ining tanan nga malain nga mga butang.
Ang Ginuo nakighambal kay Job kag ginpakita sa iya ang kalibutan, ang mga bituon, kag ang tanan nga nagakabuhi. Gintudloan sang Ginuo si Job sang isa ka importante nga leksyon. Ang tanan nga butang gintuga para buligan ang mga anak sang Amay nga Langitnon nga makatuon parte sa Iya Anak nga si Jesucristo kag sundon Sia.
Naghinulsol si Job kag nangayo sa Ginuo sang kapatawaran tungod sang iya pagpangduhaduha. Nagpromisa sia nga magsalig sa Ginuo. Nakahibalo ang Ginuo nga palangga Sia ni Job. Gin-ayo niya si Job kag ginbugayan sia sang dugang nga mga kabataan kag doble nga manggad sangsa naangkon niya sadto.