“Si Abraham kag si Isaac,” Mga Sugilanon sa Daan nga Katipan (2022)
“Si Abraham kag si Isaac,” Mga Sugilanon sa Daan nga Katipan
Genesis 17; 21–22
Si Abraham kag si Isaac
Isa ka tatay, isa ka anak, kag ang halad
Si Abraham kag Sara nakaangkon sang lapsag nga lalaki, suno sa ginpromisa sang Ginuo. Ila sia gin-ngalanan nga Isaac.
Palangga nila si Isaac. Gintudloan nila sia nga magpili sing husto kag magsalig sa Ginuo.
Ginpromisa sang Ginuo kay Abraham kag Sara nga paagi kay Isaac magadako ang ila panimalay agud bugayan ang bilog nga kalibutan. Pero isa ka adlaw ginhambalan sang Ginuo si Abraham nga dal-on si Isaac sa Bukid sang Moria para ihalad.
Samtang nagapakadto sa bukid, namangkot si Isaac kon diin ang karnero nga ila ihalad. Nagsiling si Abraham nga hatagan sila sang Ginuo.
Sa Bukid sang Moria, naghimo si Abraham sang altar kag ginbutangan ini sang panggatong.
Suno sa sugo sang Dios, ginhambalan ni Abraham si Isaac nga maghigda sa ibabaw sang altar. May salig si Isaac kay Abraham pareho nga ang Manluluwas nga si Jesucristo nagasalig sa Iya Amay.
Sang ihalad na kuntani ni Abraham si Isaac, ginpunggan sia sang isa ka anghel sang Ginuo. Nagpakita si Abraham sang iya pagtuo sa Ginuo. Nakahibalo si Abraham nga sundon niya pirme ang Ginuo.
Nagtangla si Abraham kag iya nakita ang karnero nga nasiod sa mga kahoy-kahoy. Ginhatag sang Dios ang karnero nga lalaki para ihalad.
Natun-an ni Abraham kag Isaac kon paano ihalad sang Amay nga Langitnon ang Iya Anak nga si Jesucristo. Ang Ginuong Jesucristo nagsalig kay Abraham tungod nagtuman sia. Si Abraham nagsalig sa promisa sang Ginuo nga sa pila ka adlaw magadako ang iya panimalay nga sobra pa sa kadamuon sang mga bituon sa langit.