Exodo 11–12; 14–15

Ang Pascua (Passover)

Gin-amligan sang Ginuo

si Moises nga nagapangamuyo

Indi pagtugtan ni Faraon nga maglakat ang mga Israelnon, gani ginsilingan sang Ginuo si Moises nga magapadala Sia sang katapusan nga kalalat-an. Ang panganay nga bata sang tagsa ka pamilya sa duta sang Egipto mapatay, bisan ang panganay sang ila mga kasapatan.

Exodo 11:1, 4–10

si Moises nga nagapakighambal sa katawhan

Nagpromisa ang Ginuo nga kon sundon sang mga Israelnon ang Iya mga instruksyon, magalabay lang ang kalalat-an sa ila kag indi sila mahalitan.

Exodo 12:3, 13, 23

Tawo nga nagapinta sang balayan sang pwertahan, mga kabataan nga nagatan-aw

Ginhambalan sang Ginuo ang tagsa ka Israelnon nga pamilya nga maghalad sang perpekto nga lalaki nga karnero kag ipinta ang dugo sang karnero sa balayan sang pwertahan sang ila mga balay.

Exodo 12:4–7

Pamilya nga nagapanyapon

Ginhambalan sang Ginuo ang mga Israelnon nga lutuon kag kaunon dayon ang karnero. Samtang nagakaon sila, dapat nakailis na sila kag handa na sa pagbiya sang ila mga puluy-an. Nagsiling ang Ginuo nga kon himuon ini sang mga Israelnon, ang ila mga panganay maluwas sa kalalat-an.

Exodo 12:8–11

ang anak nga lalaki ni Faraon napatay

Pareho sang ginpaandam sang Ginuo, nag-abot ang kalalat-an. Ang tanan nga panganay sa Egipto napatay, lakip na ang kamagulangan nga anak nga lalaki sang Faraon. Pero ang kalalat-an naglabay lang sa tagsa ka balay nga may dugo sang karnero sa balayan sang pwertahan. Ang mga panganay sang mga Israelnon naluwas tungod gintuman nila ang Ginuo.

Exodo 12:12–13, 29–30

masinulub-on nga Faraon nga ginahambalan si Moises kag Aaron nga maghalin

Sang makita ni Faraon ang iya kaugalingon nga anak nga napatay tungod sining kalalat-an, ginhambalan niya sanday Moises kag Aaron nga dalhon ang tanan nga mga Israelnon kag maghalin sa Egipto.

Exodo 12:31–33

akig nga Faraon nga nagapadala sang kasuldadohan

Naghalin ang mga Israelnon, pero naakig si Faraon. Gintipon niya ang iya kasuldadohan kag mga karwahe kag ginlagas ang mga Israelnon.

Exodo 12:37–41; 14:5–8

kasuldadohan nga nagalagas sang mga Israelnon

Ang mga Israelnon nagkampo sa higad sang Dagat nga Pula. Wala madugayi nagalapit na si Faraon kag ang iya kasoldaduhan sa ila. Sang makita sang mga Israelnon nga nagapadulong ang mga Egiptohanon, nahadlok sila. Pero ginhambalan ni Moises ang mga Israelnon nga protektahan sila sang Ginuo.

Exodo 14:9–14

si Moises nga ginaalsa ang sungkod, Dagat nga Pula nga nagakapihak

Samtang nagahilapit ang mga Egiptohanon, ginhambalan sang Ginuo si Moises nga alsahon ang iya sungkod. Ginhimo ini ni Moises, kag ginpihak sang Ginuo ang dagat. Nagtabok ang mga Israelnon sa dagat nga mamala ang duta. Nagpalagyo sila kay Faraon kag sa iya kasoldaduhan.

Exodo 14:15–16, 21–22

Dagat nga Pula nga nagatabon sa kasoldaduhan sang Egipto

Ginlagas sang Egiptohanon nga kasoldaduhan ang mga Israelnon. Sang ang tanan nga mga Israelnon luwas na sa tabok sang dagat, ginpabalik sang Ginuo ang tubig. Nalumos sa dagat ang Egiptohanon nga kasoldaduhan.

Exodo 14:23–30

mga Israelnon nga nagasinaot

Sa katapusan hilway na ang mga Israelnon. Nagkinanta sila, nagsinaot, kag nagpasalamat sa Ginuo. Pirme nila ginadumdom ang Pascua bilang ang tion nga ginluwas sang Ginuo ang ila mga kabuhi kag gindala sila pa-gwa sa Egipto.

Exodo 14:31; 15:1–22