“Si Elias nga Propeta,” Mga Sugilanon sa Daan nga Katipan (2022)
“Si Elias nga Propeta,” Mga Sugilanon sa Daan nga Katipan
1 Mga Hari 16–18
Si Elias nga Propeta
Ang pagtuo sang isa ka iloy kag ang mga milagro sang Ginuo
Wala sang ulan sa ginharian sang Israel, kag manug-ubos na ang tubig. Wala nanamian kanday Haring Acab kag Reyna Jezabel sa mga propeta sang Ginuo. Ginapapatay pa gani nila ang iban nga mga propeta. Nagpangamuyo ang hari kag reyna sa ila dios-dios nga mag-ulan. Pero ginsilingan sila ni Elias nga indi magpadala ang Ginuo sang ulan sang pila ka tuig.
1 Mga Hari 16:29–33; 17:1; 18:13
Naakig ang hari kag reyna kay Elias. Ginpaandaman sang Ginuo si Elias nga magpanago kay ara sa katalagman ang iya kabuhi.
Gindala sang Ginuo si Elias sa isa ka sapa kag nagpadala sang mga pispis para dalhan sia sing pagkaon. Pero tungod kay wala sing ulan, nagmala ang sapa, kag wala sing tubig si Elias.
Gindala sang Ginuo si Elias sa isa ka babayi sa malayo nga banwa. Nangayo si Elias sa iya sang tubig kag tinapay. Pero hustohan lang ini sa iya kag sa iya anak nga lalaki sa isa na lang ka adlaw.
Nahibal-an ni Elias nga amo na ato ang katapusan niya nga pagkaon. Nagpromisa sia nga kon pakan-on niya sia, ang Ginuo magahatag sang pagkaon sa iya pamilya hasta nga magbalik ang ulan.
Naghimo ang babayi sang tinapay para kay Elias. Kag ang iya lana kag harina nagdamo! May bastante na nga pagkaon para kay Elias kag sa pamilya sang babayi sa madamo nga inadlaw.
Isa ka adlaw nagmasakit ang bata sang babayi. Ginpamangkot niya si Elias kon ngaa gintugotan sang Ginuo nga matabo ini.
Si Elias may priesthood. Iya ginbendisyunan ang bata sang babayi kag ginpangabay ang Ginuo nga buhion ini liwat. Nagginhawa liwat ang bata, kag nahibal-an sang babayi nga si Elias isa ka propeta sang Ginuo.