“Si Nehemias,” Mga Sugilanon sa Daan nga Katipan (2022)
“Si Nehemias,” Mga Sugilanon sa Daan nga Katipan
Nehemias 1–2; 4; 6
Si Nehemias
Pagpatindog liwat sang pader sa Jerusalem
Si Nehemias isa ka Judio nga nag-estar sa Persia. Sia ang sinaligan nga suluguon sang hari. Isa ka adlaw nabatian ni Nehemias nga ang mga Judio sa Jerusalem nagaantos. Ang mga pader nga nagaamlig sa Jerusalem guba na kag wala na makay-o. Ara sa peligro ang Jerusalem. Nagpuasa kag nagpangamuyo si Nehemias para sa bulig sang Ginuo.
Ginpamangkot sang hari si Nehemias kon ngaa masubo sia kaayo. Ginsugiran niya ang hari parte sa peligro sa Jerusalem. Nagsiling ang hari nga makabulig sia. Nagpangabay si Nehemias nga magkadto sa Jerusalem kag kay-uhon ang pader. Ginhimo sang hari si Nehemias nga lider kag ginhatagan sia sang mga gamit nga iya kinahanglanon.
Ginsugdan ni Nehemias kag sang mga Judio nga patindugon liwat ang mga pader sang Jerusalem. Pero ginkadlawan sila sang ila mga kaaway kag gintinguhaan nila nga punggan sila.
Gintinguhaan sang mga kaaway nga intuon si Nehemias para maghalin sa siyudad. Pero indi maghalin si Nehemias. Nagsalig sia sa Ginuo. Dako ang buluhaton nga iya ginahimo.
Ginhambalan ni Nehemias ang iya katawhan nga indi mahadlok. Nagbutang sila sang mga gwardya sa pader para amligan ini. Padayon nga ginpatindog sang mga Judio ang pader. Ginhatagan sang Ginuo ang mga Judio sang kusog, kag natapos nila ang pader sa sulod sang 52 ka adlaw. Hilway na liwat sa peligro ang Jerusalem.