Exodo 4–5; 7–12

Ang mga Kalalat-an sa Egipto

Ang mga pagpili ni Faraon batok sa Ginuo

Si Moises kag Aaron nga nagasugilanon kay Faraon

Nagsalig si Moises sa Ginuo kag nagbalik sa Egipto. Si Moises kag ang iya utod nga si Aaron nagkadto kay Faraon kag ginpangabay sia nga buy-an ang mga Israelnon kag tugotan nga maghalin sa Egipto. Nangakig si Faraon kag nagbalibad. Ginpuwersa na gid gani niya ang mga Israelnon nga mag-obra pa gid todo.

Exodo 4:10–16; 5:1–18

suba nga nangin dugo

Tungod wala nagpamati si Faraon sa Ginuo, ang mga Egiptohanon ginsumpa sang grabe nga mga kalalat-an. Una, ang tanan nga tubig sa Egipto nangin dugo. Ginpangabay liwat ni Moises si Faraon nga palakton ang mga Israelnon, pero nagsiling si Faraon nga indi.

Exodo 7:14–25

Mga paka nga nagalinumpat sa mga Egiptohanon

Dason, nagpadala ang Ginuo sang mga paka sa Egipto. Ara sila bisan sa diin. Siling ni Faraon palakton niya ang mga Israelnon kon maghalin ang mga paka. Ginpahalin sang Ginuo ang mga paka, pero wala ginpalakat ni Faraon ang mga Israelnon. Dayon nagpadala ang Ginuo sang mga kuto kag mga langaw.

Exodo 8:1–32

Mga Egiptohanon kag patay nga mga sapat

Dason, ang tanan nga kasapatan sa panguma sang mga Egiptohanon nagkalamatay, pero wala sing bisan isa nga napatay sa kasapatan sang mga Israelnon. Dayon ginpangtuboan ang mga Egiptohanon sang masakit nga mga hubag sa ila kalawasan.

Exodo 9:3–12

bagyo sang hielo kag kalayo nga nagguba sang Egipto

Isa man ka dako nga bagyo sang hielo kag kalayo ang nag-abot sa Egipto. Nagtuga ini sang grabe nga pagkaguba.

Exodo 9:22–35

ginakaon sang mga apan ang mga pananom

Indi gihapon pagpalakton ni Faraon ang mga Israelnon. Dayon nagpadala ang Ginuo sang mga apan, kag ginkaon sang mga ini ang tanan nga pagkaon sang katawhan.

Exodo 10:12–20

Si Faraon

Dayon may tatlo ka adlaw sang kadulom. Sang nagakatabo ang madamo sa mga kalalat-an, nagpromisa si Faraon nga iya palakton ang mga Israelnon kon mag-untat ang mga kalalat-an, pero nagbinutig lang sia pirme.

Exodo 10:21–23, 27

Si Moises kag ang iya pamilya

Pagkatapos sang siyam ka lainlain nga mga kalalat-an, indi gihapon pagpalakton ni Faraon ang mga Israelnon. Ginhambalan sang Ginuo si Moises nga isa pa gid ka makahaladlok nga kalalat-an ang maabot. Gingiyahan kag ginprotektahan sang Ginuo ang mga Israelnon samtang ila ginahulat ang ila kahilwayan.

Exodo 11:4–7; 12:1–13