Exodo 1–2

Ang Lapsag nga si Moises

Pagprotekta sang palaabuton nga lider sang mga Israelnon

Si Faraon nga nagatan-aw sa ginharian

Ang pamilya ni Jacob nangin bantog nga katawhan sa Egipto. Gintawag sila nga mga Israelnon. Si Faraon, ang hari sang Egipto, ginkulbaan nga basi sa pila ka adlaw matam-an na kadamo ang mga Israelnon kag ila na sakupon ang Egipto, gani ginhimo niya ang mga Israelnon nga iya mga ulipon.

Exodo 1:7–14

mga soldado nga nagatan-aw sa pihak sang suba

Dayon ginsugo ni Faraon nga pamatyon ang tanan nga bag-ong bata nga lapsag nga lalaki nga Israelnon. Ginhadlukan katama ang mga pamilya nga Israelnon.

Exodo 1:15–22

Si Jocabed, si Miriam, kag ang lapsag nga si Moises sa suba

Ang Israelnon nga nanay nga gin-ngalanan nga Jocabed nakapensar sang paagi para luwason ang iya bag-ong tawo nga bata nga lalaki. Ginbutang niya ang iya lapsag sa basket kag gintago ang basket sa malagba nga mga hilamon sa higad sang Suba nga Nilo. Ang utod nga babayi sang lapsag nga si Miriam nagbantay sa iya para indi sia maano.

Exodo 2:1–4

bata nga babayi ni Faraon nga nagauyat sang lapsag nga si Moises

Samtang nagapaligo sa suba, nakita sang bata ni Faraon ang basket. Nakita niya ang makaluluoy nga lapsag nga Israelnon nga nagahibi kag gusto niya nga padakuon bilang iya kaugalingon nga anak. Nagpalapit si Miriam sa anak ni Faraon kag namangkot kon pwede sia magdala sang Israelnon nga babayi nga mag-atipan sa lapsag.

Exodo 2:5–6

Ang anak ni Faraon, si Jocabed, si Miriam, kag ang lapsag nga si Moises

Gindala ni Miriam ang iya iloy, nga si Jocabed, sa anak nga babayi ni Faraon. Nagsugot ang anak ni Faraon nga suholan si Jocabed sa pag-atipan sa lapsag.

Exodo 2:8–9

Ang anak nga babayi ni Faraon, si Jocabed, kag si Moises

Ang Israelnon nga lapsag nagdako. Ginpadako sia sang anak ni Faraon bilang iya kaugalingon nga anak. Gin-ngalanan niya sia nga Moises.

Exodo 2:10