“Ang Lamharon nga David,” Mga Sugilanon sa Daan nga Katipan (2022)
“Ang Lamharon nga David,” Mga Sugilanon sa Daan nga Katipan
Ang Lamharon nga David
Manugpahalab nga bata nga lalaki gintawag nga mangin hari
Ginpadala sang Ginuo ang propeta nga si Samuel para mangita sang bag-o nga hari. Si Saul, nga amo ang hari sadto nga panahon, nag-untat na sa pagsunod sa Ginuo. Ginhambalan sang Ginuo si Samuel nga magkadto sa Betlehem kag pangitaon ang tawo nga ang ngalan Jesse. Ang mangin bag-o nga hari isa sa mga anak nga lalaki ni Jesse.
Ang magulang nga mga anak nga lalaki ni Jesse matag-as kag makusog. Pero siling sang Ginuo kay Samuel nga indi sila paghukman base sa ila hitsura.
Namangkot si Samuel kay Jesse kon may iban pa sia nga kabataan nga lalaki. Siling ni Jesse nga ang iya kamanghuran nga anak, si David, nagaatipan sang mga karnero. Gindala si David kay Samuel.
Mas gamay si David sangsa iya mga kauturan kag isa lamang ka manugpahalab. Pero wala ginapamensar sang Ginuo kon ano ang hitsura ni David. Nakahibalo ang Ginuo nga ang tagipusuon ni David puno sing pagtuo. Ginhambal Niya kay Samuel nga si David ang mangin hari. Ginbendisyunan ni Samuel si David. Ginhanda sang Espiritu sang Ginuo si David para mangin hari.