“Si Adan kag si Eva,” Mga Sugilanon sa Daan nga Katipan (2022)
“Si Adan kag si Eva,” Mga Sugilanon sa Daan nga Katipan
Genesis 2–3; Moises 3–5; Abraham 5
Si Adan kag si Eva
Pag-angkon sang eksperiyensya paagi sa paghimo sang mga pagpili
Si Adan kag si Eva amo ang una nga mga anak sang Amay nga Langitnon nga nag-istar sa kalibutan. Nag-istar sila sa matahum nga Hardin sang Eden, nga ginalibutan sang tanan nga klase sang tanom kag mga kahoy. Ginabisita kag ginaistorya sila sang Dios nga aton Amay nga Langitnon kag ni Ginuong Jesucristo.
Genesis 2:8–9; 3:8; Moises 3:8–9; Abraham 5:8, 14–19
Ginpasugtan sila sang Dios nga kaunon ang prutas sang tanan nga kahoy magluwas sa isa. Kon magkaon sila halin sa kahoy sang ihibalo sang maayo kag malain, kinahanglan nila nga maghalin sa Hardin sang Eden kag sa ulihi mapatay. Nagbutig si Satanas kay Adan kag Eva. Siling ni Satanas nga kon kaunon nila ang prutas, mahibal-an nila ang maayo kag malain pero indi sila mapatay.
Genesis 2:16–17; 3:1–5; Moises 3:9; 4:6–11; Abraham 5:9, 12–13
Ginpili ni Eva nga magkaon sang prutas.
Ginhatagan ni Eva si Adan sang prutas. Ginpili man niya nga kaunon ang prutas.
Nagbisita sa ila ang Dios kag ang Ginuo, pero nahadlok sanday Adan kag Eva kag nagpanago. Ginpamangkot sila sang Dios kon nagkaon sila sang bunga sang kahoy sang ihibalo sang maayo kag malain.
Genesis 3:8–13; Moises 4:13–14
Ginhambal ni Adan kag ni Eva sa Dios nga ginpili nila nga magkaon sang prutas. Tungod sang ila pagpili, kinahanglan nila nga maghalin sa Hardin sang Eden. Ginseparar sila sa Dios, pero may plano Sia para sa ila. Nahibaloan na nila ang malain sa maayo kag mahimo na sila nga makaangkon sang mga anak.
Genesis 3:16–24; Moises 4:15–31
Si Adan kag si Eva nagpromisa nga tumanon ang tanan nga mga kasuguan sang Dios. Gintudloan sila nga maghalad sang mga sapat. Kon magtuman sila, mas makatuon pa gid sila parte sa Anak sang Dios nga si Jesucristo. Pareho sila nga nakabatyag sang dako nga kalipay tungod buligan Niya ang ila pamilya nga makabalik sa Dios.