Genesis 4; Moises 5–6

Ang Pamilya ni Adan kag Eva

Pagpili nga sundon ang Ginuo

si Adan kag Eva kag ang ila pamilya

Pagkatapos magbiya sanday Adan kag Eva sa Hardin sang Eden, padayon sila nga nagtuon parte sa plano sang Amay nga Langitnon para sa ila sa duta. Madamo sila sing kabataan kag gintudloan nila sila sang tanan nila nga nahibal-an parte sa Ginuo. Ang pila sa kabataan nanday Adan kag Eva nagpili nga tumanon ang Ginuo. Pero ang pila sa ila nagpili nga indi.

Moises 5:1–12; 6:15

si Adan kag Eva upod ang mga kabataan, si Adan nga nagasulat sang balaan nga mga kasulatan

Ang pamilya ni Adan kag Eva nagtipig sang libro sang handumanan. Ginsulat nila ang kasaysayan sang ila pamilya sa libro. Ginsulat nila kon paano sila ginbuligan sang Ginuo.

Moises 6:5–6

si Cain kag si Abel

Si Cain kag Abel duha sa kabataan nga lalaki nanday Adan kag Eva. Palangga ni Abel ang Ginuo kag nagpili nga sundon Sia. Si Cain wala nagtuman sa Ginuo. Ginpili niya nga magrebelde.

Genesis 4:1–16

lalaki nga nagalantaw sa siyudad

Padayon nga nagdako ang pamilya ni Adan kag Eva. Madamo pa nga mga tawo ang nabun-ag. Tanan sila may kahilwayan sa pagpili. Sa kadugayan, pila sa mga tawo nagrebelde batok sa mga kasuguan sang Ginuo. Ang Ginuo nagpadala sang mga propeta para tudloan ang mga tawo nga maghinulsol.

Genesis 4:25–26; Moises 5:13; 6:23