ដៃគូសកម្មភាព

អត្ថប្រយោជន៍របស់ដៃគូសកម្មភាព

អាន ៖ដោយមានជំនួយពីមនុស្សដទៃ អ្នកអាចសម្រេចកិច្ចការដ៏ធំ ។ ឧទាហរណ៍ ពួកអ្នកផ្សព្វផ្សាយមានដៃគូដើម្បីគាំទ្រ ។ នៅក្នុងក្រុមរបស់យើង យើងមានដៃគូសកម្មភាព ។ រៀងរាល់សប្ដាហ៍ យើងនឹងជ្រើសរើស ហើយធ្វើការជាមួយដៃគូសកម្មភាពផ្សេងៗគ្នា ។ ដៃគូសកម្មភាពជួយគ្នារក្សាការតាំងចិត្តដោយ ៖

ទូរសព្ទ ផ្ញើសារ ឬសួរសុខទុក្ខគ្នានៅអំឡុងសប្ដាហ៍នោះ ។
និយាយអំពីអ្វីដែលយើងបានរៀននៅក្នុងក្រុមនេះ ។
លើកទឹកចិត្តគ្នាឲ្យរក្សាការតាំងចិត្ត ។
ប្រឹក្សាគ្នាចំពោះឧបសគ្គទាំងឡាយ ។
អធិស្ឋានឲ្យគ្នាទៅវិញទៅមក ។

ពិភាក្សា ៖តើបុគ្គលម្នាក់ទៀតធ្លាប់ជួយអ្នកឲ្យសម្រេចបានកិច្ចការដ៏លំបាកតាមរបៀបណា ?

អាន ៖ការធ្វើជាដៃគូសកម្មភាពម្នាក់ពុំមែនរឿងលំបាក ឬត្រូវការពេលវេលាច្រើននោះទេ ។ ដើម្បីចាប់ផ្ដើមការសន្ទនា អ្នកអាចសួរ ៖

តើអ្នកចូលចិត្តអ្វីខ្លះអំពីការប្រជុំក្រុមរបស់យើងកាលពីលើកមុន ?
តើមានរឿងល្អអ្វីខ្លះដែលបានកើតឡើងដល់អ្នកនៅសប្ដាហ៍នេះ ?
តើអ្នកបានប្រើគោលការណ៍ស្ដីពីមូលដ្ឋានគ្រឹះរបស់ខ្ញុំនៅសប្ដាហ៍នេះដោយរបៀបណា ?

ផ្នែកដ៏សំខាន់បំផុតនៃការពិភាក្សានេះគឺដើម្បីជួយគ្នាទៅវិញទៅមកឲ្យរក្សាការតាំងចិត្ត ។ អ្នកអាចសួរ ៖

តើការតាំងចិត្តរបស់អ្នកយ៉ាងម៉េចដែរ ?
ប្រសិនបើអ្នកពុំបានរក្សាតាមវាខ្លះទេ តើអ្នកត្រូវការជំនួយដែរឬទេ ?
តើខ្ញុំអាចជួយដល់ការខិតខំរបស់អ្នកតាមរបៀបណា ?

សកម្មភាព ( ៥ នាទី )

ជំហានទី ១ ៖ ជ្រើសរើសនរណាម្នាក់នៅក្នុងក្រុមដើម្បីធ្វើជាដៃគូសកម្មភាពរបស់អ្នក ។

អ្នកអាចនឹងផ្លាស់ប្ដូរដៃគូរៀងរាល់សប្ដាហ៍ ប្រសិនបើចង់ធ្វើដូច្នោះ ។
ជាទូទៅ ដៃគូសកម្មភាពគឺមានភេទដូចគ្នា ហើយពុំមែនជាសមាជិកគ្រួសារទេ ។

ឈ្មោះដៃគូសកម្មភាព

ព័ត៌មានទាក់ទង

ជំហានទី ២ ៖ សរសេរអំពីរបៀប និងពេលវេលាដែលអ្នកនឹងទាក់ទងគ្នា ។

អាទិត្យ	ចន្ទ	អង្គារ	ពុធ	ព្រហស្បតិ៍	សុក្រ	សៅរ៍