រាយការណ៍

រាយការណ៍—ម៉ោងជាអតិបរមា ៖ ២៥ នាទី

ការតាំងចិត្តកាលពីសប្ដាហ៍មុន ៖

អនុវត្ត ហើយចែកចាយគោលការណ៍មូលដ្ឋានគ្រឹះរបស់ខ្ញុំកាលពីសប្ដាហ៍មុន ។
បន្តសន្សំប្រាក់ដើម្បីសម្រេចបានអាទិភាពហិរញ្ញវត្ថុរបស់ខ្ញុំ ។
ពិភាក្សាអំពីការសន្សំប្រាក់ ការទិញ និងការជួលផ្ទះមួយ ព្រមទាំងការវិនិយោគលើការអប់រំអំឡុងពេលក្រុមប្រឹក្សាគ្រួសារ ។
ទាក់ទង ហើយគាំទ្រដល់ដៃគូសកម្មភាពរបស់ខ្ញុំ ។

ជំហានទី ១ ៖ វាយតម្លៃជាមួយនឹងដៃគូសកម្មភាព ( ៥ នាទី )

សូមចំណាយពេលពីរបីនាទីដើម្បីវាយតម្លៃការខិតខំប្រឹងប្រែងរបស់អ្នកដើម្បីរក្សាការតាំងចិត្តរបស់អ្នកនៅសប្ដាហ៍នេះ ។ សូមប្រើតារាង « ការវាយតម្លៃការខិតខំប្រឹងប្រែងរបស់ខ្ញុំ » នៅដើមនៃសៀវភៅលំហាត់នេះ ។ សូមចែកចាយការវាយតម្លៃរបស់អ្នកជាមួយនឹងដៃគូរបស់អ្នក ហើយពិភាក្សាសំណួរខាងក្រោមនេះជាមួយនឹងគាត់ ។ បន្ទាប់មក គាត់នឹងចារនៅត្រង់កន្លែងដែលបានចង្អុលបង្ហាញ ។

ពិភាក្សា ៖តើអ្នកជួបឧបសគ្គអ្វីខ្លះក្នុងការរក្សាការតាំងចិត្តរបស់អ្នកនៅសប្ដាហ៍នេះ ?

ជំហានទី ២ ៖ រាយការណ៍ទៅកាន់ក្រុម ( ៨ នាទី )

បន្ទាប់ពីវាយតម្លៃការខិតខំប្រឹងប្រែងរបស់អ្នក សូមត្រឡប់មកជុំវិញ ហើយរាយការណ៍អំពីលទ្ធផលរបស់អ្នក ។ សូមទៅសួរសមាជិកក្រុមម្នាក់ៗថាតើអ្នកគួរវាយតម្លៃខ្លួនឯងជាពណ៌ « ក្រហម » « លឿង » ឬ « បៃតង » សម្រាប់ការតាំងចិត្តនីមួយៗកាលពីសប្ដាហ៍មុន ។

ជំហានទី ៣ ៖ ចែកចាយបទពិសោធន៍របស់អ្នក ( ១០ នាទី )

ឥឡូវនេះ សូមចែកចាយជាក្រុមអំពីអី្វដែលបានរៀនមកពីការខិតខំរក្សាការតាំងចិត្តរបស់អ្នកអំឡុងសប្ដាហ៍នេះ ។

ពិភាក្សា ៖

តើអ្នកមានបទពិសោធន៍អ្វីខ្លះតាមរយៈការអនុវត្ត ឬការចែកចាយគោលការណ៍មូលដ្ឋានគ្រឹះរបស់ខ្ញុំ ?
តើការខិតខំដើម្បីសម្រេចបានអាទិភាពហិរញ្ញវត្ថុរបស់អ្នកបានទទួលលទ្ធផលយ៉ាងដែរ ?
តើការពិភាក្សារបស់អ្នកអំឡុងក្រុមប្រឹក្សាគ្រួសារស្ដីពីការទិញផ្ទះ និងលទ្ធភាពទទួលបានការអប់រំបន្ថែមទៀតមានដំណើរការទៅយ៉ាងណាដែរ ?

ជំហានទី ៤ ៖ ជ្រើសរើសដៃគូសកម្មភាព ( ២ នាទី )

សូមជ្រើសរើសដៃគូសកម្មភាពម្នាក់នៅក្នុងក្រុមសម្រាប់សប្ដាហ៍ក្រោយ ។ ជាទូទៅ ដៃគូសកម្មភាពគឺមានភេទដូចគ្នា ហើយពុំមែនជាសមាជិកគ្រួសារទេ ។

សូមចំណាយពេលបីបួននាទីឥឡូវនេះ ដើម្បីជួបជាមួយនឹងដៃគូសកម្មភាពរបស់អ្នក ។ សូមណែនាំខ្លួនឯង ហើយពិភាក្សាអំពីរបៀបដែលអ្នកនឹងទាក់ទងគ្នានៅសប្ដាហ៍ក្រោយ ។

ឈ្មោះដៃគូសកម្មភាព

ព័ត៌មានទាក់ទង

សរសេរអំពីរបៀប និងពេលដែលអ្នកនឹងទាក់ទងគ្នានៅសប្ដាហ៍នេះ ។

អាទិត្យ	ចន្ទ	អង្គារ	ពុធ	ព្រហស្បតិ៍	សុក្រ	សៅរ៍