ធនធាននានា

ប្រភេទនៃការវិនិយោគ	និយមន័យ	មានកាលកំណត់ ឬគ្មានកាលកំណត់
គណនីសន្សំ	ជាទូទៅ គណនីបញ្ញើមួយមានអត្រាប្រាក់ចំណេញទាប ជាធម្មតានៅតាមធនាគារមួយ ឬស្ថាប័នហិរញ្ញវត្ថុផ្សេងទៀត ។ ម្ចាស់គណនីអាចធ្វើការដកប្រាក់ ឬដាក់ប្រាក់បញ្ញើដោយគ្មានការពិន័យ ។	មានកាលកំណត់
វិញ្ញាបនបត្រប្រាក់បញ្ញើ	គណនីមួយដែលអ្នកដាក់ប្រាក់បញ្ញើចំនួនជាក់លាក់មួយសម្រាប់រយៈពេលដែលបានកំណត់ជាក់លាក់មួយ ប្រសិនបើអ្នកដកប្រាក់ពីមុនគ្រានោះត្រូវបានបញ្ចប់ នោះអ្នកអាចនឹងទទួលបានការពិន័យ ( បាត់បង់ប្រាក់មួយចំនួនដែលបានវិនិយោគ ) ។ កាលប្រាក់ត្រូវបានដាក់វិនិយោគ វាបង្កើតអត្រាប្រាក់ចំណូលមានកាលកំណត់មួយ ។ កាលពេលវេលាកំណត់ត្រូវបានកន្លងផុត នោះអ្នកទទួលបានប្រាក់វិនិយោគដើមរបស់អ្នក ព្រមទាំងប្រាក់ចំណូល ។	មានកាលកំណត់
ប័ណ្ណបំណុល	ការវិនិយោគបំណុលមួយដែលអ្នកឲ្យស្ថាប័ន ឬអង្គការមួយខ្ចីប្រាក់របស់អ្នកសម្រាប់រយៈពេលកំណត់មួយដើម្បីទទួលបានអត្រាប្រាក់ចំណូលដែលបានរំពឹងទុក ។ កាលពេលវេលាកំណត់ត្រូវបានកន្លងផុត នោះអ្នកទទួលបានប្រាក់វិនិយោគដើមរបស់អ្នក ព្រមទាំងប្រាក់ចំណូល ។ ប័ណ្ណបំណុលអាចត្រូវចេញឲ្យដោយរដ្ឋាភិបាល និង សាជីវកម្មនានា ។ អាស្រ័យទៅលើការចេញផ្សាយរបស់អង្គការ នោះប័ណ្ណបំណុលអាចចាត់ទុកថាមានហានិភ័យទាប ឬហានិភ័យខ្ពស់ ។	មានកាលកំណត់
ភាគហ៊ុន	វាតំណាងឲ្យភាពជាម្ចាស់មួយចំណែកនៅក្នុងក្រុមហ៊ុនមួយ ដែលបានលក់ជាចំណែកហ៊ុន ។ ចំណែកហ៊ុននីមួយៗតំណាងឲ្យផ្នែកមួយនៃភាពជាម្ចាស់ ដូច្នេះប្រសិនបើក្រុមហ៊ុនមួយមានចេញផ្សាយ ១០០,០០០ ហ៊ុន ហើយអ្នកមានហ៊ុនមួយ នោះអ្នកមានហ៊ុន ១/១០០,០០០នៃក្រុមហ៊ុននោះ ។ អត្រាប្រាក់ចំណូលអាស្រ័យលើការដំណើរការរបស់ក្រុមហ៊ុន ។	គ្មានកាលកំណត់
សង្គហធន	ជាធម្មតា មូលនិធិទាំងនេះត្រូវបានបង្កើតឡើងមកពីក្រុមនៃភាគហ៊ុន និងប័ណ្ណបំណុលទាំងឡាយ ។ មូលនិធិនេះត្រូវបានគ្រប់គ្រងដោយអ្នកជំនាញម្នាក់ ។ សង្គហធនផ្ដល់វិធីដ៏សាមញ្ញមួយទៅកាន់ការវិនិយោគចម្រុះ ។ ប្រសិនបើសង្គហធនដំណើរការល្អ តម្លៃនៃការវិនិយោគរបស់អ្នកកើនឡើង ។ ប្រសិនបើសង្គហធនដំណើរការមិនល្អ តម្លៃនៃការវិនិយោគរបស់អ្នកធ្លាក់ចុះ ។	គ្មានកាលកំណត់
អចលនទ្រព្យ	ការមានភាពជាម្ចាស់លើការវិនិយោគមួយនៅក្នុងវិស័យអចលទ្រព្យដូចជាផ្ទះ ផ្ទះល្វែង ឬអគារពាណិជ្ជកម្ម ។ ប្រាក់ចំណូលកើតឡើងជាផលទុន ជាការកើនឡើងនៅក្នុងតម្លៃនៃទ្រព្យសម្បត្តិ ឬទាំងពីរ ។ ការបាត់បង់ទាំងឡាយក៏អាចនឹងកើតឡើងផងដែរសម្រាប់ហេតុផលជាច្រើន រួមបញ្ចូលទាំងការថយចុះនៅក្នុងតម្លៃនៃទ្រព្យសម្បត្តិ ឬអ្នកជួលពុំបានបង់ថ្លៃជួល ឬការខូចខាតទ្រព្យសម្បត្តិនោះ ។	គ្មានកាលកំណត់
ភាពជាម្ចាស់អាជីវកម្ម	ការវិនិយោគនេះតំណាងឲ្យការមានផ្នែកមួយនៃភាពជាម្ចាស់នៅក្នុងអាជីវកម្មឯកជនមួយ ។ ប្រាក់ចំណូលអាស្រ័យទៅលើដំណើរការអាជីវកម្ម ។	គ្មានកាលកំណត់