មូលដ្ឋានគ្រឹះរបស់ខ្ញុំ ៖ ទទួលខុសត្រូវ ហើយខិតខំព្យាយាម—ម៉ោងជាអតិបរមា ៖ ២០ នាទី
-
ពិចារណ ៖ហេតុអ្វីព្រះវរបិតាសួគ៌ សព្វព្រះទ័យឲ្យខ្ញុំទទួលខុសត្រូវផ្ទាល់ចំពោះជីវិតរបស់ខ្ញុំ ?
-
សូមមើល ៖« Sedrick’s Journey » មាននៅលើ srs.lds.org/videos ។ ( គ្មានវីដេអូឬ ? សូមអាន ទំព័រ ១២៩ ) ។
ការធ្វើដំណើររបស់សេឌ្រីក
ប្រសិនបើអ្នកគ្មានវីដេអូទេ សូមអានរឿងនេះវិញ ។
សេឌ្រីក ៖ ខ្ញុំ ឈ្មោះ សេឌ្រីក ខេមប៊ីស្សាវី ។ ខ្ញុំរស់នៅសាធារណៈរដ្ឋប្រជាធិបតេយ្យ កុងហ្គោ ។ ខ្ញុំជាសមាជិកនៃសាសនាចក្រអិល. ឌី. អេស. ។
ខ្ញុំជាអ្នកផ្សព្វផ្សាយសាខានៅក្នុងភូមិ គីពូសានហ្គា ។ ខ្ញុំត្រូវរៀបចំខ្លួនដើម្បីទៅបម្រើបេសកកម្មនៅឯបរទេស ។ ដើម្បីទៅបម្រើបេសកកម្មបាន ខ្ញុំត្រូវការលិខិតឆ្លងដែនដែលមានតម្លៃ ២៥០ ដុល្លារអាមេរិក ។
ដើម្បីរកលុយ ឪពុកខ្ញុំ និងខ្ញុំទិញចេក ។ នៅភូមិមួយចំនួន ដាំដើមចេកបានផលច្រើនណាស់ ៖ ធីសហាបូបូ លូសូគូ និងកាម៉ានដា ។
ភូមិ ធីសហាបូបូ មានចម្ងាយប្រមាណជា ១៤ គីឡូម៉ែត្រ ពីទីនោះ ។ ភូមិ លូសូគូ មានចម្ងាយប្រមាណជា២៨ គីឡូម៉ែត្រ ។ ភូមិ កាម៉ានដាមានក៏មានចម្ងាយប្រមាណជា ២៨ គីឡូម៉ែត្រដែរ ។ យើងបានទៅទីនោះហើយបានទិញផ្លែចេក ហើយបានដឹកវាយកមកលក់នៅទីនេះ ។
យើងជិះកង់ទៅភូមិទាំងនោះ ។ យើងអាចដឹកផ្លែចេកពី បួន ទៅប្រាំមួយស្ទងមកវិញ ។
នៅពេលខ្ញុំជិះកង់ទៅ មួយជើងៗ វាត្រូវចំណាយពេលមួយម៉ោងកន្លះ បើកង់មិនខូច ហើយខ្ញុំមានកម្លាំងនោះ ។ នៅពេលថ្ងៃត្រង់ ហើយកម្តៅក្តៅហួសហេតុពេក ខ្ញុំបានជិះទៅមុខយឺតៗ ព្រោះតែកម្តៅ និងព្រះអាទិត្យ ។
ខ្ញុំអាចជិះកង់បានពីរជើង ក្នុងមួយថ្ងៃ បើខ្ញុំក្រោកពីព្រលឹម ។ នេះគឺជាវិធីដ៏ល្អមួយ ដើម្បីបង់ថ្លៃធ្វើលិខិតឆ្លងដែនរបស់ខ្ញុំ ។
ឥឡូវនេះ ខ្ញុំកំពុងរកលុយបន្តិចម្តងៗ ដូច្នេះខ្ញុំកំពុងតែសន្សំលុយទាំងសម្រាប់ថ្លៃសាលា និងបេសកកម្ម ។ ឥឡូវនេះ បន្ទាប់ពីធ្វើការបានបួនឆ្នាំ ខ្ញុំបានសន្សំលុយបានគ្រប់គ្រាន់សម្រាប់ថ្លៃធ្វើលិខិតឆ្លងដែន និងសន្សំបាន ៧០ ដុល្លារបន្ថែមទៀត ។
សូមត្រឡប់ទៅ ទំព័រ ១២៨ ។
-
ពិភាក្សា ៖តើយើងរៀនបន្តទៅមុខទោះបីនៅពេលកិច្ចការនោះមានការពិបាកយ៉ាងដូចម្ដេច ?
-
អាន ៖គោលលទ្ធិ និង សេចក្តីសញ្ញា ៤២:៤២ និងពាក្យដកស្រង់មកពីប្រធាន ជែមស៍ អ៊ី ហ្វោស្ត ( នៅខាងស្ដាំ )
-
ពិភាក្សា ៖សូមអានពាក្យដកស្រង់មកពីអែលឌើរ ឌី ថត គ្រីស្តូហ្វឺសិន ( នៅទំព័រ ១២៩ ) ។ ហេតុអ្វីព្រះអម្ចាស់រំពឹងទុកឲ្យយើងធ្វើការសម្រាប់អ្វីដែលយើងទទួលបាន ?
-
ពិចារណា ៖សូមអានពាក្យដកស្រង់មកពីប្រធាន ថូម៉ាស អេស ម៉នសុន ( នៅខាងស្ដាំ ) ។ តើខ្ញុំមានប្រតិកម្មបែបណា នៅពេលខ្ញុំជួបនឹងភាពបរាជ័យ ?
-
តាំងចិត្ត ៖សូមតាំងចិត្តធ្វើតាមសកម្មភាពដូចខាងក្រោមក្នុងអំឡុងសប្ដាហ៍ ។ សូមគូសសញ្ញាកែងក្នុងប្រអប់ នៅពេលអ្នកបញ្ចប់ការតាំងចិត្តនីមួយៗ ។
-
សូមជ្រើសរើសអ្វីមួយដែលពិបាក ឬមិនស្រណុកចិត្ត ហើយបញ្ចប់កិច្ចការនោះ ។ សូមសរសេរវានៅខាងក្រោម ។
-
សូមចែកចាយអ្វីដែលអ្នកបានរៀននៅថ្ងៃនេះអំពីការងារ និងការខិតខំព្យាយាមជាមួយនឹងគ្រួសារ ឬមិត្តភក្ដិរបស់អ្នក ។
-