![]()
រូបភាពMy Foundation icon
-
ពិចារណ ៖ហេតុអ្វីព្រះអម្ចាស់ស្រឡាញ់អស់អ្នកដែលមាន « សេចក្តីទៀងត្រង់នៃចិត្ត » ?
-
សូមមើល ៖« What Shall a Man Give in Exchange for His Soul? » មាននៅលើ srs.lds.org/videos ។ ( គ្មានវីដេអូឬ ? សូមអាន ទំព័រ ១១១ ) ។
តើមនុស្សនឹងយកអ្វីទៅដូរឲ្យបានព្រលឹងខ្លួនវិញ ?
ប្រសិនបើអ្នកគ្មានវីដេអូទេ សូមអានរឿងនេះវិញ ។
រូបភាពដកស្រង់ចេញពីតើមនុស្សនឹងយកអ្វីទៅដូរឲ្យបានព្រលឹងខ្លួនវិញអែលឌើរ រ៉ូបឺត ស៊ី ហ្គេ ៖ នៅគ្រាមួយព្រះអង្គសង្រ្គោះបានសួរទៅពួកសិស្សទ្រង់នូវសំណួរដូចខាងក្រោម ៖ « តើមនុស្សនឹងយកអ្វីទៅដូរឲ្យបានព្រលឹងខ្លួនវិញ ? »
នេះគឺជាសំណួរមួយដែលឪពុកខ្ញុំបានបង្រៀនខ្ញុំឲ្យចេះគិតគូរយ៉ាងផ្ចិតផ្ចង់ជាច្រើនឆ្នាំកន្លងមកហើយ ។ ពេលខ្ញុំធំឡើង ឪពុកម្តាយខ្ញុំបានប្រគល់ការងារក្នុងផ្ទះដល់ខ្ញុំ ហើយបង់ជាប្រាក់បន្តិចបន្តួចលើថ្លៃឈ្នួលធ្វើកិច្ចការនោះ ។ ជាញយៗ ខ្ញុំបានប្រើប្រាស់លុយនោះ ជាង៥០ សេនក្នុងមួយសប្តាហ៍ ដើម្បីទៅមើលកុន ។ ក្នុងសម័យនោះ សំបុត្រកុនមានតម្លៃ ២៥ សេន សម្រាប់ក្មេងអាយុ ១១ ឆ្នាំ ។ គឺនៅសល់ ២៥ សេនទៀតដើម្បីទុកទិញស្ករគ្រាប់ ដែលមួយដុំមានតម្លៃ ៥ សេន ។ មើលកុនដោយមានស្ករគ្រាប់ប្រាំដុំ ! ខ្ញុំមិនអាចធ្វើអ្វីបានប្រសើរជាងនេះនោះទេ ។
អ្វីៗប្រសើរទាំងអស់រហូតដល់ខ្ញុំចូលដល់អាយុ ១២ ឆ្នាំ ។ ពេលកំពុងឈរតម្រង់ជួរនៅរសៀលមួយ ខ្ញុំបានដឹងថា សំបុត្រសម្រាប់ក្មេងអាយុ ១២ ឆ្នាំ គឺមានតម្លៃ ៣៥ សេន ហើយនោះមានន័យថា ខ្ញុំត្រូវខាតស្ករគ្រាប់ពីរដុំហើយ ។ ដោយមិនទាន់បានត្រៀមខ្លួនដើម្បីធ្វើការលះបង់នោះ ខ្ញុំបានស្វែងរកមូលហេតុមកប្រាប់ខ្លួនឯង ៖ « ខ្ញុំមើលទៅនៅដដែលដូចជាសប្តាហ៍មុនដែរ » ។ បន្ទាប់មកខ្ញុំបានដើរទៅមុខ ហើយសុំទិញសំបុត្រដែលមានតម្លៃ ២៥ សេន ។ អ្នកគិតលុយមិនបានប៉ប្រិចភ្នែក ហើយខ្ញុំទិញបានស្ករគ្រាប់ប្រាំដុំ ពុំមែនស្ករបីដុំឡើយ ។
ដោយរីករាយនឹងការប្រព្រឹត្តរបស់ខ្ញុំ ក្រោយមក ខ្ញុំបានរត់ត្រឡប់ទៅផ្ទះវិញ ដើម្បីនឹងប្រាប់ឪពុកខ្ញុំអំពីការចំណេញនោះ ។ ពេលខ្ញុំបានប្រាប់គាត់នូវរឿងលម្អិតហើយ គាត់មិនបាននិយាយអ្វីសោះ ។ ពេលខ្ញុំនិយាយចប់ហើយ គាត់គ្រាន់តែសម្លឹងមកខ្ញុំ ហើយនិយាយថា « កូនប្រុសអើយ តើកូននឹងសុខចិត្តលក់ព្រលឹងកូនសម្រាប់ប្រាំសេនឬ ? » ពាក្យសម្ដីរបស់គាត់បានចាក់ទម្លុះបេះដូងរបស់ខ្ញុំដែលជាក្មេងប្រុសអាយុ ១២ ឆ្នាំ ។ វាគឺជាមេរៀនដែលខ្ញុំមិនអាចបំភ្លេចបានឡើយ ។
( « តើមនុស្សនឹងយកអ្វីទៅដូរឲ្យបានព្រលឹងខ្លួនវិញ ? » Ensign ឬ Liahonaខែ វិច្ឆិកា ឆ្នាំ ២០១២ ទំព័រ ៣៤ )
សូមត្រឡប់ទៅ ទំព័រ ១១០ ។
-
ពិភាក្សា ៖តើការមានសេចក្តី ទៀងត្រង់មានន័យដូម្តេច ? តើវិធីសាស្រ្តតូចតាចណាខ្លះដែលមនុស្សលះបង់ព្រលឹងខ្លួនដើម្បីទទួលបានរបស់ទាំងឡាយនៅក្នុងជីវិតនេះ ?
-
អាន ៖មាត្រានៃសេចក្តីជំនឿ ១:១៣ និង យ៉ូប ២៧:៥ ( នៅខាងស្តាំ )
-
ពិភាក្សា ៖សូមអាន ម៉ូសាយ ៤:២៨ ( នៅខាងស្ដាំ ) និងពាក្យដកស្រង់មកពីអែលឌើរ យ៉ូសែប ប៊ី វ៉ឺតលីន ( នៅ ទំព័រ ១១១ ) ។ ហេតុអ្វីការបង់សងបំណុល ឬអាជីវកម្ម ឬឥណទាននិស្សិត ( ដូចជាប្រាក់កម្ចីភី.អ៊ី.អែស. ) គឺជារឿងមួយដ៏សំខាន់ចំពោះសេចក្ដីទៀងត្រង់ផ្ទាល់ខ្លួន ?
-
តាំងចិត្ត ៖សូមតាំងចិត្តធ្វើតាមសកម្មភាពដូចខាងក្រោមក្នុងអំឡុងសប្ដាហ៍ ។ សូមគូសសញ្ញាកែងក្នុងប្រអប់ នៅពេលអ្នកបញ្ចប់ការតាំងចិត្តនីមួយៗ ។
-
កែលម្អផ្នែកមួយក្នុងចំណោមផ្នែកទាំងប្រាំបីដែលអ្នកបានវាយតម្លៃខាងក្រោម ។
-
ចែកចាយអ្វីដែលអ្នកបានរៀននៅថ្ងៃនេះអំពីសេចក្ដីទៀងត្រង់ជាមួយនឹងគ្រួសារ ឬមិត្តភក្ដិរបស់អ្នក ។
-