iVakaleleka ni iTukutuku Makawa

Na ivola oqo e sega ni ivolatukutuku makawa, ia e umani kina na ivakavuvuli ni kosipeli me vaka e veivakavulici kina o Peresitedi Heber J. Grant. Sa vakarautaki tiko yani ena itukutuku oqo e ra na matailalai ni veivakavuvuli oqo. E sega ni okati kina na veika leleka a yaco ena gauna makawa, me vaka na ivalu, kei na leqa vakailavo ka tarai vuravura raraba. E sega talega ni okati kina e vuqa na veika bibi ka yaco ena bula nei Peresitedi Grant, me vaka nona vakamau, na nodra sucu kei na nodra mate na luvena.

1856, Noveba 22	Sucu o Heber Jeddy Grant mai Salt Lake City Utah vei rau o Rachel Ridgeway Ivins Grant kei Jedediah Morgan Grant. Ni oti e ciwa na siga, e a mate o tamai Heber ka veiqaravi voli mai vaka iKarua ni Daunivakasala vei Peresitedi Brigham Young.
1875, June 10	Ciqoma na veikacivi me veiqaravi ena mataveiliutaki ni iSoqosoqo ni Muavata ni Cauravou ena i ka 13 ni Tabanalevu e Salt Lake City.
1880, Epereli 6	Tekivu veiqaravi vakavunivola ki na mataveiliutaki raraba ni iSoqosoqo ni Muavata ni Cauravou.
1880, Okotova 30	Tekivu veiqaravi vaka peresitedi ni iteki ea Tooele, Utah.
1882, Okotova 16	Tabaki me Apositolo mai vei Peresitedi George Q. Cannon ena Mataveiliutaki Taumada.
1883—84	Sikova nodra itikotiko na itaukei ni vanua o Amerika, cakacaka vata kei ira na iliuliu ni Lotu me ra kacivi ka tabaki na matabete me ra cakacaka e kea.
1897	Lewena na mataveiliutaki raraba ni iSoqosoqo ni Muavata ni Cauravou ka manidia ni bisinisi ni tabana ni mekesini ni Lotu na Improvement Era.
1901, Okosita 12– 1903, Sepiteba 8	Tauyavutaka ka liutaka na imatai ni tabana ni kaulotu e Japani.
1904, Janueri 1– 1906, Tiseba 5	Liutaka na tabana ni kaulotu e Peritania kei Iurope.
1916, Noveba 23	Tabaki me Peresitedi ni Kuoramu ni Apositolo Le Tinikarua.
1918, Noveba 23	Tabaki me Peresitedi ni Lotu i Jisu Karisito ni Yalododonu Edaidai
1919, Noveba 27	Vakatabuya na valetabu mai Laie, Hawaii.
1920,	Liutaka na vakadidike ni ka 100 ni soqo ni marautaki ni iMatai ni Raivotu.
1923, Okosita 26	Vakatabuya na valetabu mai Cardston, Alberta.
1924, Okotova 3–5	Dabe vakailiuliu ena imatai ni koniferedi raraba me kaburaki ena retio.
1926	Ena nodratou veidusimaki na Mataveiliutaki Taumada, sa tekivutaka na Lotu na parokaramu ni matavuli.
1927, Okotova 23	Vakatabuya na valetabu mai Mesa, Arizona.
1930, Epereli 6	Dabe vakailiuliu ena vakadidike ni soqo ni marautaki nai ka 100 ni yabaki ni soqosoqo Lotu.
1936	Eratou tauyavutaka na Mataveiliutaki Taumada na Church Security Plan, e sa vakatokai edaidai me parokaramu ni welefea ni Lotu.
1940, Feperueri	Tauvi koya na kasi.
1942, Epereli 6	Otioti ni nona vosa ena koniferedi raraba. Ena tolu tale na yabaki veitaravi e muri era sa dau mai wilika ga na nona vosa.
1945, Me 14	Leqa mai Salt Lake City, e Utah.