Buod Pangkasaysayan

Ang aklat na ito ay hindi kasaysayan, kundi kalipunan ng mga alituntunin ng ebanghelyo na itinuro ni Pangulong Heber J. Grant. Ang sumusunod na kronolohiya ay nagbibigay ng maikling talaan ng kasaysayan hinggil sa mga turong ito. Hindi kasama dito ang makabuluhang mga pangyayari sa sekular na kasaysayan, gaya ng mga digmaan at pandaigdigang krisis sa ekonomiya. Hindi rin kasama dito ang maraming mahahalagang pangyayari sa personal na buhay ni Pangulong Grant, gaya ng kanyang mga kasal at mga kapanganakan at kamatayan ng kanyang mga anak.

1856, Nobyembre 22	Isinilang si Heber Jeddy Grant sa Salt Lake City, kina Rachel Ridgeway Ivins Grant at Jedediah Morgan Grant. Ang ama ni Heber, na naglingkod bilang Pangalawang Tagapayo kay Pangulong Brigham Young ay namatay makaraan ang siyam na araw.
1875, Hunyo 10	Nakatanggap ng tawag na maglingkod sa panguluhan ng Salt Lake City 13th Ward Young Men’s Mutual Improvement Association.
1880, Abril 6	Nagsimulang maglingkod bilang kalihim sa pangkalahatang panguluhan ng Young Men’s Mutual Improvement Association.
1880, Oktubre 30	Nagsimulang maglingkod bilang stake president ng Tooele, Utah.
1882, Oktubre 16	Inorden na Apostol ni Pangulong George Q. Cannon ng Unang Panguluhan.
1883–84	Dumalaw sa mga komunidad ng mga Katutubong Amerikano, nakipagtulungan sa iba pang mga pinuno ng Simbahan upang tumawag at magtalaga ng mga mayhawak ng priesthood na gagawa doon.
1897	Naglingkod bilang miyembro ng pangkalahatang panguluhan ng Young Men’s Mutual Improvement Association at bilang manedyer ng negosyo ng magasin ng Simbahan na pinamagatang Improvement Era.
1901, Agosto 12– 1903, Setyembre 8	Binuo at pinamunuan ang unang misyon sa Japan.
1904, Enero 1– 1906, Disyembre 5	Namuno sa mga misyon sa Britanya at Europa.
1916, Nobyembre 23	Itinalaga bilang Pangulo ng Korum ng Labindalawang Apostol.
1918, Nobyembre 23	Itinalaga bilang Pangulong ng Ang Simbahan ni Jesucristo ng mga Banal sa mga Huling Araw.
1919, Nobyembre 27	Inilaan ang templo sa Laie, Hawaii.
1920	Pinangunahan niya ang pagdiriwang ng ika-100 anibersaryo ng Unang Pangitain.
1923, Agosto 26	Inilaan ang templo sa Cardston, Alberta.
1924, Oktubre3–5	Namuno sa unang pangkalahatang kumperensya na nai-broadcast sa radyo.
1926	Sa ilalim ng direksiyon ng Unang Panguluhan, pinasimulan ng Simbahan ang programang institute ng relihiyon.
1927, Oktubre 23	Inilaan ang templo sa Mesa, Arizona.
1930, Abril 6	Pinamunuan ang pagdiriwang ng ika-100 anibersaryo ng pagkakatatag ng Simbahan.
1936	Binuo ng Unang Panguluhan ang Church Security Plan, na tinatawag ngayong welfare program ng Simbahan.
1940, Pebrero	Inatake sa puso.
1942, Abril 6	Nagbigay ng pananalita sa pangkalahatang kumperensya sa huling pagkakataon. Nang sumunod na tatlong taon, ang lahat ng kanyang mga pananalita sa kumperensya ay binabasa na lamang ng iba.
1945, Mayo 14	Namatay sa Salt Lake City, Utah.