25. UMfula iJordani

UMfula iJordani uqala enyakatho yoLwandle lwaseGalile, ugobhozele kulo, bese uqhubekela eningizimu oLwandle olungenaMpilo. Lesi sithombe sathathwa maduze nalapho umfula uphumela khona kusuka oLwandle lwaseGalile.

Izehlakalo Ezibalulekile: ULoti wazikhethela amathafa eJordani (Gen. 13:10–11). UJoshuwa wehlukanisa lamanzi, ukuze avumele abakwa-Israyeli bawelele ezweni lesethembiso (Josh. 3:13–17; 4:1–9, 20–24). U-Eliya kanye no-Elisha bawahlukanisa lamanzi (Ⅱ AmaKh. 2:5–8, 12–14). UNahamani welashwa uchoko (Ⅱ AmaKh. 5:1–15). UJohane umBhabhadisi wabhabhadisa abantu abaningi, kuhlanganisa nomSindisi (Math. 3:1–6, 13–16). (Bheka HBN UMfula iJordani.)