1. Ano, aole au, o Nepai, e kakau ana i ke kuauhau o koʻu poe kupuna ma keia wahi o koʻu mooolelo; aole hoi ma kahi manawa e aku e kakau ai au ia mea maluna o keia mau papa aʻu e kakau nei. No ka mea, ua kakau ia ia mea iloko o ka mooolelo i malama ia e koʻu makuakane; nolaila, aole au e kakau ia mea iloko o keia buke.

2. No ka mea, ua lawa kaʻu olelo ana, he mamo makou na Iosepa.

3. A ua makemake ole au e kakau i mooolelo loihi o na mea a pau o koʻu makuakane, no ka mea, aole e hiki ke kakau ia ia mau mea maluna o keia mau papa, no ka mea, ke makemake nei au i kahi kaawale i kakau ai au no na mea o ke Akua.

4. No ka mea, eia koʻu makemake nui e hiki iaʻu ke koi aku i na kanaka e hele mai i ke Akua la o Aberahama, i ke Akua o Isaaka, a i ke Akua o Iakoba, a e hoola ia.

5. Nolaila, o na mea e olioli ai ko ke ao nei, aole au e kakau, aka o na mea e olioli ai ke Akua a me ka poe aole o ko ke ao nei.

6. No ia mea, e haawi aku auanei au i kauoha i kaʻu mau hua, i hoopiha ole ai lakou i keia mau papa i na mea e pomaikai ole ai na keiki a kanaka.