1. I na, kare ainei a Isaia i tuatua mai e, koai tei akarongo i ta matou tuatua? E i akakiteia te rima o te Atua kiaai?

2. Mei te tupu ou paruparu ra oki aia i te tupuanga ki mua iaia, e mei te āka mei roto mai i te one maro ra; kare ona tu e te manea; e kia kite atu ei tatou iaia, kare oki ona tu manea kia inangaro atu ei tatou iaia.

3. Kua akavaavaaia aia, e kua kopaeia e te tangata; e tangata iriea, e kua matau oki i te tumatetenga; e kua puroku tatou i to tatou mata iaia; kua akavaavaaia aia, e kare aia i manako meitakiia e tatou nei.

4. Kua rave tika ra aia i to tatou au tumatetenga, e kua apai ke aia i to tatou aue; kua manako ra tatou e, e taiaanga utunga tona, i pāpāiaʼi aia e te Atua, e i akamamaeiaʼi ra.

5. Kua puta ra aia no ta tatou au ara ra, kua akaparuparuia aia no to tatou au kino; e te ako i akaauiaʼi tatou, tei runga ïa iaia; e no tona au puta i oraʼi tatou.

6. Kua aere ke anake tatou mei te mamoe ra; kua anga tatou katoatoa, ko te tangata ki tona uaorai mataara; e kua akairi te Atu ki rungao iaia i ta tatou katoa nei au ara.

7. Kua takinga kinoia oki aia, e kua tinaimateia, kare ra tona vaa i i ki atu; i aratakiia aia mei te punua mamoe ki te tainga, e mei te mamoe muteki ki mua i tei pakoti i tona uru ra, kare katoa oki tona vaa i tuatua mai.

8. Kua raveia aia mei te tapekaanga, e mei te akavaanga; e naai tona uki e akakite; i tipu keia oki aia i te enua o te aronga e ora nei; no te ara a toku ra iti tangata i taiaiaʼi aia.

9. Kua akatakaia tona vaarua ki o te aronga kino ra, tei te tangata apinga ra aia ka mate atu ei ra, kare oki ana tuatua kino i rave, kare oki e tuatua pikikaa o roto i tona vaa.

10. Kua tika ra i te Atu kia akaparuparu iaia; e kua akamamae aia iaia; kia akariroia ra aia ei atinga no te ara, e kite aia i tana uanga, e akaroa aia i tona au rā, e te inangaro o te Atu, e manuia ïa ki tona ra rima.

11. E kite oki aia i tona mamae, e ka merengo; no tona uaorai kite ka akatikaʼi toku tavini tuatua tika ki te tangata e manganui; ka apai oki aia i ta ratou au ara ra.

12. No reira ka tua atu au i tetai tuanga nana ma te aronga nunui katoa ra; ka tua aia i te apinga noni ki te aronga ririnui; no te mea kua tuku ua atu aia iaia uaorai no te mate; e kua tatauia aia ma te aronga rave ara; e kua apai aia i te au ara a te tangata e manganui, e nana oki i akatika i te aronga rave ara ra.