1. E oti akera tana tuatua anga atu ki te iti tangata ra, manako iora te ariki ra ko Beniamina e, e mea tau kia tataia te au ingoa o te au tangata i papau i te koreromotu ki te Atua, kia akono i tana au akaueanga ra.

2. E kare okotai tangata, mari ra te au tamariki mearikiriki, ko tei kore i papau i taua koreromotu ra, e tei kore i rave ki runga ia ratou i te ingoa o te Mesia.

3. E akaoti akera te ariki ra ko Beniamina i teianei au mea, e akataoonga iora i tana tamaiti ia Mosaia ei kavana e ei ariki ki rungao i tona iti tangata, e kua tuku atura i te au ikuikuanga o te basileia kiaia, e akonoia iora e te au taunga kia apii i te au tangata, kia akarongo ratou e kia kite oki i te au akaueanga a te Atua, e kia akaaraara ia ratou kia akamaara i te koreromotu ta ratou i papau ra. Kua tuku atura aia i te au tangata e oki atura ratou katoatoa, ma to ratou kopu tangata ki to ratou uaorai ngutuare.

4. E kua akamata iora Mosaia i te tutara i te ngai o tona metua. E toru ngauru oki ona mataiti i akamataʼi aia i te tutara; kua tae i reira e ā anere e itu ngauru ma ono mataiti mei te tuatau i akaruke ei a Lihai ia Ierusalema.

5. E noo akera te ariki ra ko Beniamina i nga mataiti e toru, mate iora aia. na te au mataara o te Atu, e kua akono aia i tana ra tuatua tau, e tana ra au ture, e kua akono aia i tana au akaueanga i te au mea katoa-

6. E kua aere te ariki ra ko Mosaia toa tana i akaue mai kiaia.

7. E kua akaue atura te ariki ra ko Mosaia, kia tanu ratou i te enua. E kua tanu katoa oki aia i te enua kia kore ei aia e riro ei apainga teimaa ki tona iti tangata, kia rave aia mei ta tona metua i rave i te au mea katoatoa. E kare e māroanga i rotopu i tona ra iti tangata i nga mataiti e toru ra.