Tufa’a 114
E heheura’a tei hōro’ahia mai nā roto ia Iosepha Semita te peropheta, i Far West, i Missouri, i te 11 nō ’Ēperēra 1838.
1–2, Te mau tōro’a nō te ’Ēkālesia ’o tē mauhia ra e te feiā ha’apa’o ’ore e hōro’ahia atu te reira ia vetahi ’ē.
1 ’Oia mau tē nā ’ō mai nei te Fatu : E mea pa’ari ïa i tō’u tāvini ra ia David W. Patten, ’ia fa’a’āfaro ’oi’oi i tāna mau ’ohipa pā’āto’a mai te au i te vāhi e tano, ’e ’ia ho’o atu i tāna mau tao’a ho’o, ’ia ti’a iāna ’ia rave i te ’ohipa misiōnare nā’u ’ia tae i te ha’amatara’a nō te tau māhanahana i muri nei, i pīha’i iho ia vetahi ’ē, ’oia hō’ē ’ahuru ma piti, ’e tei roto ato’a ’oia i taua pupu ra, nō te fa’a’ite pāpū atu i te parau nō tō’u nei i’oa ’e nō te hōpoi atu i te parau ’āpī ’oa’oa i tō te ao pā’āto’a nei.
2 Nō te mea ’oia mau tē nā ’ō mai nei te Fatu ē, nō te mea tei rotopū ia ’outou te tahi pae ’o tei huna i tō’u nei i’oa, e ha’amauhia vetahi ’ē atu ’ei mono nō rātou, ’e e fāri’i ho’i i tō rātou ’episekōpora’a. ’Āmene.