Tufa’a 92
E heheura’a tei hōro’ahia mai ia Iosepha Semita te peropheta, i Kirtland, i Ohio, i te 15 nō Māti 1833. Tē hōro’a nei teie heheura’a i te arata’ira’a ia Frederick G. Williams, ’o tei fa’ata’ahia iho nei ’ei tauturu nō Iosepha Semita, i ni’a i tāna ’ohipa i roto i te United Firm (hi’o i te upo’o parau o te mau tufa’a 78 e 82).
1–2, ’Ua hōro’a mai te Fatu i te hō’ē fa’auera’a nō ni’a i te fa’aōra’a i roto i te ha’apa’ora’a tāhō’ē.
1 ’Oia mau, tē nā ’ō mai nei te Fatu, tē hōro’a atu nei au i te ha’apa’ora’a tāhō’ē, i fa’anahonahohia mai te au i te fa’auera’a i hōro’a-’ē-hia mai na, te hō’ē heheura’a ’e te fa’auera’a ho’i nō ni’a i tō’u tāvini ra ia Frederick G. Williams, ’ia fāri’i ’oe iāna i roto i te ha’apa’ora’a. ’O tā’u e parau atu nei i te hō’ē ra, ’o tā’u ato’a ïa e parau atu i te tā’āto’ara’a.
2 ’E teie fa’ahou ā, tē parau atu nei au ia ’oe e tō’u tāvini e Frederick G. Williams, ’ia riro ’oe ’ei melo itoito roa i roto i teie nei ha’apa’ora’a ; ’e mai te mea e ha’apa’o maita’i noa ’oe i te ha’apa’ora’a i te mau fa’auera’a mātāmua ra e ha’amaita’ihia ïa ’oe ē a muri noa atu. ’Āmene.