1 ’Oia mau tē parau atu nei au ia ’oe na, ’o tō’u ïa hina’aro ’ia haere fa’ahou atu tō’u tāvini ra ’o Jared Carter i te mau fenua i te hiti’a o te rā, i terā vāhi ’e i terā vāhi, i terā ’oire ’e i terā ’oire, nā roto i te mana o te tōro’a i fa’atōro’ahia ai ’oia ra, i te porora’a atu i te mau parau ’oa’oa nō te poupou rahi, ’oia ho’i te ’evanelia mure ’ore.

2 ’E e tono atu vau i te Fa’aa’o i ni’a iāna, ’o tē ha’api’i atu i te parau mau iāna, ’e te ’ē’a ho’i tāna e haere ;

3 ’E mai te mea e ha’apa’o maita’i ’oia, e fa’akorona fa’ahou atu vau iāna i te mau ruru ra.

4 Nō reira, ’ia ’oa’oa tō ’oe na ’ā’au, e tō’u tāvini e Jared Carter, ’e ’eiaha e mata’u, tē nā reira mai ra tō ’oe Fatu, ’oia ’o Iesu Mesia. ’Āmene.