Tufa’a 26
E heheura’a tei hōro’ahia mai ia Iosepha Semita te peropheta, ia Oliver Cowdery, ’e ia John Whitmer, i Harmony, i Pennsylvania, i te ’āva’e Tiurai 1830 (hi’o i te upo’o parau nō te tufa’a 24).
1, ’Ua ha’api’ihia atu rātou ’ia tuatāpapa i te mau pāpa’ira’a mo’a ’e ’ia a’o atu ; 2, ’Ua ha’apāpūhia mai te ture nō te fāri’i-tāhō’ē-ra’a.
1 Inaha, tē parau atu nei au ia ’outou ē e mea ti’a roa ia ’outou ’ia fa’a’ohipa i tō ’outou taime i te tuatāpapara’a i te mau pāpa’ira’a mo’a, ’e i te a’ora’a atu, ’e i te ha’amaura’a i te ’ēkālesia i Colesville, ’e i te ravera’a i tā ’outou mau ’ohipa i ni’a i te fenua nei, mai te au i tei tītauhia ra, ē tae noa atu i te taime i muri iho i tō ’outou haerera’a i te tō’o’a o te rā nō te fa’atere i te ’āmuira’a i reira ; ’e i reira e fa’a’itehia mai ai te mau mea e ti’a ia ’outou ’ia rave.
2 ’E e ravehia te mau mea ato’a i roto i te ’ēkālesia nā roto i tō te mau melo fāri’i-tāhō’ē-ra’a i te reira, nā roto i te fa’arahira’a i te pure ’e te fa’aro’o, nō te mea e fāri’i ’outou i te mau mea ato’a nā roto i te fa’aro’o. ’Āmene.